Amed

Hikumeta AKP'ê piştî biryar da li her kolanê qereqolan ava bike, dê li navenda Amede 11 dibistan, 6 navendên tenduristiyê û 2 yurdên xwendekaran bike qereqol. 

Hikumeta AKP'ê piştî biryar da ku li her taxên bajarên Kurdistanê qereqolan ava bike, qereqol û nexweşxaneyan dike qereqol. Li navenda Amedê jî dibistan û nexweşxaneyan xera dike û li şûna wan qereqolan ava dike. Li navçeya Sûr, Baglar û Yenişehirê bi giştî 11 dibistan, 2 yurd û 6 Navendên Tenduristiya Malbatan dê bike dqerepol. Hin sazî vala kirin û dest bi avakirina qereqolan kir. Hin dibistan û nexweşxane jî dê bi şev qereqol û bi roj jî dibistan û nexweşxane bin. Bêyî daxwaza welatiyan û rêveberiyên herêmî bê stendin û bêyî biryarek fermî bê stendin, dibistan û nexweşxaneyan dikin qereqol. 

Saziyên li Sûr û Baglarê dibin qereqol wiha ne: 

*Li taxa Alî Paşa ya Sûrê 1'emîn Navenda Tenduristiya Malbatan. Li vê nexweşxaneyê 4 bijîşk 4 hemşireyan xizmet dida 40 hezar kesî.

* Li kolana Nukhet Coşkun a Baglarê Navendên Nexweşxaneyan ên hêjmar 2 û 3 hatin xirakirin. Ji bo bikin qereqol dest bi hilweşînê kirin. Li vê nexweşxaneyê 10 bijişk, 10 hemşireyan xizmet dida 4 hezar mirovan. Piştî biryara vê nexweşxaneyê bikin qereqol hat dayîn, ji 10 bijîşk û hemşireyan; 7 bijîşk û 7 hemşire şandin nexweşxaneya Navenda Tenduristiya Zerokan a Baglarê. 3 bijîşk û 3 hemşire jî li 2'emîn Navenda Tenduristiya Malbatan bi cih kirin. 

* Hat diyarkirin ku dê 5 û 6'emîn navenda Tenduristiyê yên li Baglarê bên hilweşandin û bikin qereqol. 

*Li navçeya Sûrê ku dorpêç didome jî li taxên Yenikapi, Dabanoglu, Deriyê Mêrdînê dê 3 nexweşxaneyan bikin qereqol. 

* Li taxa Kaynartepe ya Baglarê Dibistana Ataturk, li taxa Fatihê Dibistana Huseyin Ulug, li taxa 5 Nîsanê Dibistana Çelebi Eser dikin qereqol. 

* Dê yurda Leylî ya Halit Bin Welid a mêran bikin qereqol. 

* Saziya Parastina Zarokan (SHÇEK) a Navçeya Baglarê dê bikin qereqol. 

* Li taxa Ben û Senê ya Yenîşehrê dê Dibistana Turgut Ozal, li taxa Sanayi, Hulya Tugay, li semta Şehitlikê Dibistana 100. Yilê dê bikin qereqol. 

* Li navçeya Mûrê jî dê li taxa Fatih Paşa, Dibistana Suleyman Nazif, li taxa Dabanoglu, Dibistana Yavuz Selim, li taxa Cemal Yilmaz, Dibistana Cumhuriyetê, li taxa Hasirliyê Dibistana Deriyê Mêrdîn, dê bikin qereqol. 

Li taxa Peyasê jî Dibistana Kayapinarê dê bibe qereqol. 

DÎHA