Wuppertal / Diyarname

Hevgirtina Rewşenbîrên Rojavayê Kurdistanê (HRRK) di van salên dawî de gelek çalak bûye, kevneşopiya lidarxistina mîhrîcana xwe jî didomîne. Hevgirtinê heta niha du mihrîcan li dar xisitibû îsal ya 3'yemîn li dar dixe. Wekî par, îsal jî mihrîcan li bajarê Wuppertala Almanyayê li dar dikeve.

Mihrîcana îsal 2'yê meha 10'an li dar dikeve. Bi vê mihrîcanê armanc ew e ku hevdîtin di navbera nivîskar, muzîkar û hunermendên li Ewropayê û gelê wir re bê çêkirin, xwedîlêderketina çanda kurdî bê pêşxistin; loma jî xwendina helbest an muzîkê bi awayekî sembolîk e, her yek dê bi kurtahî keda xwe bide, hunera xwe pêşkêş bike.

Îsal bernameya mîhrîcanê ji aliyê Mûsa Silêman û Xunav ve tê bi rê ve birin. Mîhrîcana ku wê bi axavtinên mêvanan û xwendina berhemên wêjeyî pêk bê i Bakur, Başûr û rojhilatê Kurdistanê jî sê kesan dike mêvanên xwe. HRRK'ê îsal  nivîskarê almanê ê navdar Hermann Schulz wekî Mêvanê Rûmetê hilbijartiye. Her wiha mîhrîcan wê bi stiran û muzîka kurdî bê xemilandin.

Li gor agahiyên ku amadekarên mîhrîcanê dane me dê Bîlal Hesen, Ciwan Qado, Hekîm Sefkan, Xunav Kano, Şêro Dalînî, Nûh Silêman, Abdulkadir Mûsa, Abbas Abbas, Ehmedê Xursî, Husên Hebeş, Nezîr Melle, Seydo Reşîd, Lukman Silêman, Muhemed Zada, Ranya Yûsif, Umer Bozan, Selwa Hesen, Hozan Enez, Mihemed Revê, Şêxmûs Îsa beşdarî mîhrîcanê bibin.

Ji aliyê muzîkê ve jî hunermend Zubêr Salih, Hunermend Kurdistan, Xêredîn Bero, Mustefa Dadar û Bengîn Efrînî bi muzîk û dengê xwe, bi stranên xwe dê reng bidin mîhrîcanê.

Her wiha ji bakurê Kurdistanê Amed Çeko Jiyan, ji başûrê Kurdistanê Serfiraz Neqişbendî û rojhilatê Kurdistanê jî Hesen Îrandost wekî mêvanên mîhrîcanê di mîhrîcanê dê dê cih bigirin.

Dem: Yekşem, 02.10.2016, Demjimêr: 14:00 

Cih: Gathe 6, 42105    Wuppertal