Diyarname

Dadgeha Bilind a Îsraîlê piştî doza ku 8 salan dom kir biryar da ku destnivîsên Kafka ên ku di destê malbatek îsraîlî de ne û qet nehatine weşandin bigire û deslîmê pirtûkxaneya neteweyî ya welat bike.

Maks Brod hevalekî Kafka bû û sekretera wî Eshter Hoffe bû ku malbata Hoffe destnivîsên Kafka li cem xwe parastibûn. Malbata Hoffe piştî mirina Eshter Hoffe îdîa dikir ku ev destnivîs aîdê wan in û divê di destê wan de bin. Serokê Pirtûkxaneya Neteweyî ya Îsraîlê David Blumberg li ser meseleyê daxuyaniyek weşand û got: "Îro ji bo kesên li Îsraîlê û yên jê wedêtir, ji bo hemû kesên eleqedarê çandê rojeke ku dive bê pîrozkirin. Destnivîs ji aliyê Îsraîlê ve dê bêne parastin û bi raya giştî re bêne parvekirin."

Kafka di sala 1924'an de dema 41 salî bû ji ber nexweşiya tuberkulazê mir û li gor nûçeya BBC wî wesî kiribû ku xebatên wî bêne şewitandin. Lê hevalê wî Brod ev daxwaza wî neaniye cih û ew weşandine. Di nav ev berhemên ku hatin weşandin de "Doz", "Veguherîn" û "Keleh" hene. Li gor nûçeyê Maks Brod di sala 1939'an de destnivîsên Kafka ji bajarê wî Pragê revandine û ji destên Naziyan xilas kirine. Brod di sala 1968'an de mir. Wî ev koleksiyon diyarnî sekretera xwe Esther Hoffe kiribû. Hoffe jî ew li Swîsre û ÎSraîlê di kaseyên bi ewle de parastin, dema ew di sala 2007'an de mir têkoşîna zagonî li ser destnivîsan dest pê kir.

Di sala 2010'an de li Zuriha Swîsreyê kase hatin vekirin lê tenê hiştin dadgerek îsraîlî van bibîne. Di sala 2012'yan de dadgehek malbatê ya li Tel Avîva Îsraîlê biryar da ku Brod ji bo ku Hoffe vê koleksiyonê bike katalog û bide Zanîngehek Cihû ya li Qudsê, yan bide Pirtûkxaneya Şaredariya Tel Avîvê, yan jî bide saziyeke dewletê ya li Îsraîlê yan li derveyî welat. Û dadgehê niha ew biryar ragihand.