Diyarname

Piştî ku diyar bû lîstikvana tenîsê ya navdar Maria Şarapova dopîng bi kar aniye sporsorên wê yek bi yek dest jê berdan.

Lîstikvana tenîsê Maria Şarapova bi daxuyaniyeke çapemeniyê ragihand ku ji ber pirsgirêkên tenduristiyê wê madeyek bi navê meldonyûm bikar aniye, ji ber vê di testa dopîngê de têk çûye. Her wiha Şarapova got ku wê nezaniye WADA'yê (Saziya Têkoşîna li Hemberî Dopîngê ya Dinyayê) ev made xistiye nava lîsteya madeyên qedexekirî. 

WADA'yê yekem car ev made îsal xistibû nav lîsteya madeyên qedexekirî. Meldonyûm li hemberî êşa sing û qeyrana dil tê bikaranîn lê li gor hin lêkolînan aliyê wê yên ku performans û xurtkirina atletîk bi pêş ve dibe.

Şarapova got ku ew vê berpirsî digire  xwe û naxwaze dawî li kariyera xwe bîne. 

ITF'ê (Federasyona Tenîsê ya Navneteweyî) li ser vê heta biryara xwe ragihîne Şarapova ji lîstina tenîsê men kir. Qedexeya Şarapova piştî 12'yê adarê dest pê dike.

Sponsoran dest ji wê berda

Piştî bihîstina bûyerê re pêşî markeya Nike'ê ku sponpora wê bû dest ji wê berda. Dûre markeya saetan a Swîsreyê TagHuer û herî dawî jî Volkswogen ku ew jî sponsorên wê bûn dawî li têkiliya xwe û Şarapovayê anîn.

Li gor kovara Forbes Şarapova par piranî ji sponsoran bi giştî 29,5 mîlyon dolar pere kar kiriye.