Diyarname
Konfederasyona Sendîkayên Karkerên Tirkiyeyê (Turk-Îş) ji bo 1'ê Gulanê li Taksîmê pîroz bike serî li Walîtiya Stenbolê da.

"Komiteya Amadekar a 1'ê Gulanê" ya di bin serokatiya Nûnerê Herêma Yekemîn ê Turk Îşê Faruk Buyukkucak jibo 1'ê Gulanê li Taksîmê pîroz bikin serî li Walîtiya Stenbolê da.
Komîteyê bi cîgirê Walî Ali Bakoglu re hevdîtineke ku 40 deqîqe dom kir pêk anî û daxwaznameya xwe pêşkêşî wîkir.
Buyukkucak da zanîn ku Serokê Giştî yê Turk-Îş Mustafa Kumlu li Enqereyê daxuyanî daye û wiha got: "Me daxwaznameya xwe da û têde got ku em bi israr dixwazin li Taksîmê pîrozbahî pêk bînin. Wekî konfederasyonên din me jî got ku ji bo tiştên di 1'ê Gulana 1977'an de neyên jiyîn, ji bo şehîdên kedkar carekê be jî Taksîm ji bo kedkarên 1 Gulanê bê vekirin."

Her wiha Buyukkucak da zanîn ku ew di pîrozbahiya li Taksîmê de bi israr in lê wekî konfederasyonên KESK û DÎSK ew nabêjin 'îleh Taksîm, Taksîm nebe nabe'.

KESK û DÎSK'ê hefteyeke berê daxuyanî li ser pîrozkirina 1'ê Gulanê li Taksîmê dabû û gotibûn ku walîtî destûr nede jî ewê wekî salên din digel her tiştî ji bo pîrozbahiyê bere xwe bidin Taksîmê.