Diyarname

Lîga Super a Spor Toto ya Tirkiyeyê bi maçên ku îro hatin lîstin serdema 2015-2016'an temam bû. Di encamê de tîmên ku ji Lîga Super ketin û tîmên ku dê biçin Lîga Şampiyonan û Lîga Ewropayê diyar bûn.

Vane îstatîstîk:

- Beşîktaş hefteya çûyî bi 79 pûanan şampiyoniya xwe ragihandibû. Beşîktaş raste rast diçe Lîga Şampiyonan. Ew dê di nav Komên Şampiyonan de cih bigire.

- Fenerbahçe bû duyemîn. Bi vê encamê dê "Maçên Pêştêkbirin"ê bilîze û ger di van maçan de bi ser bikeve dê beşdarî pişkeya ji bo maçên koman bibe.

- Torku Konya spor di dîroka xwe de yekemîn car di Lîga Super de dibe 3'yemîn. Konya spor raste rast diçe Lîga Ewropayê.

- Medipol Başakşehîr bû 4'emîn, Osmanlispor bû 5'emîn. Her du tîm dê  "Maçên Pêştêkbirin"ê bilîzin û ger bi ser bikeve dê beşdarî komên Lîga Ewropayê bibin.

- Galatasaray di rêza 6'emîn de ma û niha di Kûpaya Tirkiyeyê de  li fînalê ye. Di fînalê de reqîbê Galatasaray Fenerbahçe ye. Ger Galatasaray bi ser bikeve û kûpayê bigire dê here Lîga Ewropayê wê çaxê Osmanli spor dê nikaribe here. Ger Galatasaray têk here Osmanli dê here.

Tîmên ketin

Di Lîga Super a Tirkiyeyê de her sal 3 tîmên dawî ji lîgê dikevin, salek din di Lîga 1'emîn a PTT'ê de dilîzin. Îsal Medicana Sivas (Rêza 16'emîn), Eskişehir (Rêza 17'emîn) û Mersin îdmanyurdu (rêza 18'emîn) ji Lîga Super ketin.

Tîmên ji PTT'ê hatin

Di Lîga 1'emîn a PTT'ê de Adanspor bûbû şampiyon û Kardemir Karabuk jî bûbû duyemîn, her du tîm sala bê dê di Lîga Super a Tirkiyeyê de bilîzin. Tîma sêyemîn ku dê ji PTT'ê were Lîga Super jî di encama maçên Playoff'ê de (roja 23'yê gulanê) diyar bibe.