Diyarname

Serokomarê Tirkiyeyê Recep Tayyip Erdogan di gera xwe ya li Başûrê Amerîkayê de duh li Ekvatorê bû û dê li meclisa Ekvatorê axaftin bikira lê hat protestokirin.

Li gor nûçeya Noktayê dema Erdogan hatiye meclisê li dervey hinan dovîzên li ser "Qatil Erdogan", "Erdogan=DAIŞ" nivîsandî vekirine. Û dema li hundir dest bi axaftinê kir jî hinek jinan ew protesto kir. Li ser vê yekê di cih de ew jin ji salonê hatin derxistin.

Serokê Meclisa Ekvatorê Gabriela Rivadeneira daxuyaniyek daye û gotiye: "Nayê qebûlkirin ku parêzvanên tirk êrîşê endamên meclisa me û jinan bike" û bûyer şermezar kir.

Ajansên Ekvatorê jî li ser vê yekê nûçe çêkirin û gotin helwesta parêzvanên serokomar "agresîf" û "bêterbiye" bû.

Pazê mebûsekî şikandin

Her wiha li gor nûçeya Deniz Ayhan a di Sozcu de parêzvanên Erdogan li mebûsê Ekvatorê Diego Vintimilla daye û pozê wî şikandine.

Mebûs Vintimilla ji twitterê fotoyê xwe weşand û wisa got: "Dema min xwest parêzvanên tirk ên li IAEN’ê hevalên me yên jin berdin li min xistin. Ez li bendê me ku dewlet li ser vê yekê bikeve nava tevgerê."

Mebûs Vintimilla endamê partiya Alianza Pais (Îtîfaqa Welat) ye ku ev partî niha li desthilatdariyêye û li ser navê vê partiyê Serokezîr jî Rafael Correa ye.

Vaye ew vîdyo: