Diyarname

Nanê bi navê "Halk ekmek" (Nanê gel) ku li bufeyên girêdayî Şaredariya Bajarê Mezin a Stenbolê tê firotin hat buhakirin.

Şaredarî di firinên xwe de vî nanî çêdike û li bufeyên ku girêdayî wê ye difroşe. Ev nanê ku wekî "Nanê Gel" tê nasîn nanê herî erzan bû heta niha. Lê Şaredariya Bajarê Mezin a Stenbolê îro ev nan jî buha kir. Şaredarî nan 25 qiruş buha kir.

Piştî vî zemî buhaya nanê şaredarî bi vî rengî çêbû:

* Kayisi ekmegi (Nanê ji mişmişan): 2,70 TL

* Somun ekmek (nanê somun): 75 krş

* Tam bugday (nanê bi temamî ji genim): 2 TL

* Altin çorek (kilora zêrîn): 40 krş

* Tost ekmegi (nanê ji bo tostçêkirinê): 2,75 TL

Her wiha firinên Stenbol û Enqereyê jî nan buha kiribû. Li temamê Stenbolê  nanê 250 gramîji lîrayek derxistin lîrayek û 25 qiruşî, li Enqereyê jî nanê  250 gramî ji 75 qiruşî derxistin lîrayek.

TRT'ê gotibû zem nîn e (!)

TRT'ê li ser zema ku li Enqereyê çêbû nûçe çêkiribû û wisa gotibû, "Zem li nan nekirin, buhaya wê zêde bû."