Qamişlo

Dîwana Wêjeyê ya Bakur û Rojhilatê Sûriyeyê bernameya Hefteya Wêjeyê ya 2024'an eşkere kir. Bername roja 27'ê mehê li Otêla Endîwer a li bajarê Dêrikê dest pê dike.

Rojên wêjeyê wê di navbera 27'ê avrêlê û 2'yê gulanê de li dar bikeve.

Di hefteyê de wê bi sernavên “Pirsa Dahênan û Weşanê”, “Wêjeya Zarokan” û “Rexneya Wêjeyî” 3 mijarên sereke werin gotubêjkirin; semîner, panel bên lidarxistin û helbet-çîrok werin guhdarkirin. Hemû bernameyên rojê wê saet di 17.00’an de dest pê bikin. 

Va ye bername

NÎQAŞA WEŞANÊ

- 27 avrêl: Piştî axaftina destpêkê ya komîteya amadekar û Rêveberiya Xweser, wê bi sernavê, “Nivîs û weşan: aso û derfet li gel zehmetî û kêşeyan” semînek bê dayîn. Heman rojê wê helbestên bi zimanê kurdî û erebî bên xwendin.

- 28 avrêl: Panel, “Pirsa dahênan weşanê”, guhdarîkirina  çîrokên bi kurdî û erebî.

WÊJEYA ZAROKAN

- 29 avrêl: Semîner, “Wêjeya zarokan: Danasîn û dîrok, taybetmendî û naverok”. Xwendina helbestan bi zimanê kurdî û erebî.

- 30 avrêl: Panel, “Wêjeya zarokan: pirsgirêk û pêşinyar”. Çîrokên bi zimanê kurdî û erebî bên xwendin.

REXNEYA WÊJEYÎ

- 1 gulan: Semîner, “Nebûna rexneyê û bandora wê li jiyana çandî û wêjeyî”. Xwendina helbestên bi zimanê kurdî û erebî.

- 2 gulan: Panel, “Rexneya wêjeyî di navbera teorî û pratîkê de”. Xwendina çîrokên bi kurdî û erebî.

Roja 2'yê gulanê Hefteya Wêjeyê bi xwendina encamnameyê bi dawî bibe.

***

Nûçeya Eleqedar:

- Mijara Wêjevanan a îsal zarok û weşan e