17.00

Kongre bi dawî bû. Ji kongreyên din cudatir ji ber rewşa bajarên kurdan qet Muzîk û konser nîn bû. Li derve govendgerandin jî gelek sistemi bû.

Ji kongreyên din cudatir kurdî zêdetir bû. Hem pêşkêşvanê destpêkê, hem dîwanê ji serî heta dawî bi du zimanan (kurdî-tirkî) kongre bi rê ve bir.

Sedî 60-70 endamên Meclisa Partiyê guherîn û vê carê kurdên bi salan e di nav vê tevgerê de ne ketin lîsteyê.

11.30

Yuksekdag: Em berxwedana gel silav dikir

Hevseroka HDP'ê Figen Yuksekdag axivî. Vane hin notên ji axaftina Yuksekdag:
"Ez dixwazim peyamek birêz Abdullah Ocalan ku di bin tecrîdek girande ye bi we re parve bikim. Îro nikaribû peyam bişîne kongreya me. Sal û niîek berê bi banga birêz Ocalan ji bo pêvajoya dîrokî derî vebû. Lê ji ber helwesta desthilatdarî ya kambax ev firsenda dîrokî ji holê hate rakirin. Ez îro dixwazim ku ev pêvajo cardin bê bîranin. Ezê bang bişînim ser vê girîngiyê." 

Yuksekdag pişt re ji peyama Ocalan ya sala 2014'an de ku derbarê HDP û HDK'e de xwend. Salona Kongreyê, bi dirûşmeya "Bê Serok Jiyank Nabe" bersivand. Yuksekdag, li ser vê yekê banga "cardin pêvajo destpê bike" kir û got ku ew berpirsiyariya vê yekê digrin ser xwe. Yuksekdag da zanîn gel riya vê yekê vekiriye. 

Yuksekdag destnişankir ku komkujiyên li Kurdistanê didom in û wiha got: "Em berxwedana gel ya li hemberê vê zilmê slav dikin." Yuksekdag gotinên Cihan Karabag ku li Cizirê hate qetil ên wekî, "Dê tîliliyên botanê li hemberê guleyên dewletê bibe zirxekî hesin" gotinên xwe bi dawî kir. 

Nûnerên Başûr û Rojava beşdarî Kongreyê bûn 

Di kongreyê de gelek nûner û berpirsiyarên KDP, YNK, Goran, Hereketa Îslamî, Partiya Zehmetkêşan, Partiya Komeleya Îslamî amade bûn ku di nav wan de Serokê Parlemena Başûrê Kurdistanê Yûsûf Mihemed jî di nav de. Ji rojavayê Kurdistanê Wezîrê Karên Hundir ê Kantona Cizîrê Ebdulkerim Omer jî beşdarî kongreyê bû. Ji bo mêvanan bi tirkî, kurdî û îngilizî wergera simûltane hate kirin. 

Dîsa partiyên çepgir ên Ewropayê yên wekî SYRÎZA, Partiya Kominist a Fransayê, AKEL'a Kibrisê, nêzikê 40 balyozger, nûnerê 19 saziyên navneteweyî jî amade bûn. 

Cîgirên Serokên CHP, SP, ODP, OHP jî amade bûn
 

11.15

Xeberek nexweş
Dîwanê ragihand ku delegeyê Edeneyê Deniz Karabacak dema dihat kongreyê qezaya trafîkê derbas kir û wefat kir. Dîwanê ji bo  malbatê sersaxî xwest 

Hevserokên Dîwanê axaftina destpêkê kidin. Ji wan Onur Hamzaoglu bi tirkî Leyla Guven bi kurdî axivî 

Hevserokê Dîwanê Onur Hamzaoglu: Du Xêzên sor ên AKP'ê hene. Yek jê çi dibe bila bibe dixwaze pêşî li hemû cure mafên kurdan bigire. Ya din jî çepgir in ku pêşî li Pirsûsê dûre li Enqereyê bombe teqandin. Niha li Tirkiyeyê li hemberî faşîzmê em we vedixwînin berxwedanê.

Leyla Guven: Em Sûr,  Cizîrê berxwedanê silav dikin. AKP dixwaze gel bide tirs anîn û me jî ser vê rêyê vegerîne. Em jî dibêjin kurdan tu demê li hemberî îşkence, hepsi û kuştinê bi paş ve gav neavêt wê neavêje jî. Digotin Kobanî îro xemgîn e; îro Bakur xemgîn e; zû,  Cizîra Botan xemgîn e. Em silav li wan dikin jî bo Pakîze, Fatma û Sêvê jî dibêjin hûn li cem me ne. Hezar silav li yên li qadan ber xwe didin 

11.00

Onur Hamzaoglu û Leyla Guven ku ji doza KCK'ê hatibû girtin ji bo Hevserokatiya Dîwana Kongreyê hatin hilbijartin û kongre bi awayekî fermî dest pê kir.

10.45

HevserokênHDP'Ê Selahattin Demirtaş û Figen Yuksekdag ligel çepikên mezin û diruşmek ketin salonê. Demîrtaş yek bi yek çû silav da mêvanên kongreyê yên di protokolê de û dûre çû cihê xwe rûniştîbûm.

Saet 10.30

MebûsênHDP'ê bi hev re ligel çepik û tilîliyan ketin salonê. Duruşma Bijî berxwedana Sûrê bilind bû. Hevşaredarên Amed, Mêrdîn û Agirî jî hatin salonê. 

Pêşkêşvan bi kurdî û tirkî pêşkêşiyê dike.

Saet 10.00

Kongreyê bi beşdariya delege û bi hezaran kesî dest pê kir. Di kongreyê de ji bo hevserokan û Meclisa Partiyê hilbijartin çêbe. Li gor agahiyên ku ji niha de hatine ber dest dê hevserok neguherin lê di lîsteya Meclisa Partiyê de dê guherîn çêbin.

Pankart

Li salonê parkartên wekî bi rêveberiya xweser nasnameya azad, em berxwedana xweseriya demokratîk silav dikin, siyaseta demokratîk xweseriyê demokratîk komara demokratîk, bila zindan vala bin daliqandine. 

Saet 09.30

Delegeyên HDP'ê ji bo beşdarî 2'yemîn Kongreya Asan a HDP'ê bibin hatin Salona Ahmet Taner Kişlali ya li Çankaya Enqereyê.

HDK ku bingeha HDP'ê saz dike rojek berê li Enqereyê bi beşariya 640 delegeyî konferansa xwe saz kir, di konferansê de xwedî li "Deklerasyona Çareseriya Siyasî" ya ku KCD'ê roja 27'ê berfanbara 2015'an de li Amedê eşkere kiribû derket. Di deklerasyonê de ji bo herêman xweserî hatibû xwestin û HDK'ê jî got ku daxwaza rêveberiyên xweser û demokratîk hem ji bo kurdan hem jî ji bo demokratîkbûyîna Tirkiyeyê gavek girîng e. Di kongreya îro de jî ev xal dê bê rojevê.