Diyarname
Diyarbakirspor her di rojeva amediyan de bûye bi her awayê xwe û niha jî wisa ye.
Zêdetir rayedarên dewletê dixwazin dest bavêjin Diyarbakirsporê, bi rê ve bibin û pê şikil bidin siyaseta nav bajêr. Di nav salan de her wisa bû ye jî. Lê her care van rêveberiyan encax kariye heta demekê vê rewşê bidomînin. Bi gotineke din her guherîne rêveberiyên Diyarbakirsporê. Niha rêveberiyeke nû heye ev çend meh in. Lê pereyên wan nîn in. Tenê di vê hefteyê de çend caran lîstikvanên Diyarbakirsporê derneketin îdmanan ji ber ku pereyên xwe negirtin. Hefteyên borî jî wisa. Lê digel vê yekê jî di maçên ku di dawiyên hefteyan de li dar dikevin de ew bi ser dikevin. Vê dawiya hefteyê (8'ê adarê) Diyarbakirspor li mala xwe bi Kartalsporê re lîst û bi 2-0'ê bi ser ket. Bi vê serketinê temaşevanên Diyarbakirsporê bi konvoyan li nava bajêr tûr avêt û coşiyan.
Di heman demê de bi vê serketinê re Diyarbakir spor di Lîga 1'emîn Bank Asya de bi 46 pûanan derket rêza diduyan. Di rêza yekê de Manisaspor heye û pûanên wê 49 in.
Her wiha li vê lîgê de Karşiyaka xwedî 42, Kasimpaya xwedî 42, Boluspor û Altay jî xwedî 41 pûanan in.
Dawiya vê hefteyê Diyarbakirspor dê bi Karabuksporê re li mala xwe bilîze.