Diyarname

Li gor rapora ÎHD û TÎHV'ê di sala 2015'an de 171 leşker, polîs û cerdevan, 195 mîlîtan, 157 sivîl, bi giştî 523 kesî jiyana xwe ji dest daye.

Komeleya Mafên Mirovan (ÎHD) û Weqfa Mafên Mirovan a Tirkiyeyê (TÎHV) di Hefteya Mafên Mirovan (10-17 berfanbar) rapora li ser binpêkirina mafan a li Tirkiyeyê weşand. Rapor li ser agahiyên heta destpêka meha 12'an a îsal bû. Me ji raporê hin agahî neqandin. Fermo binpêkirinên sala 2015'an:

- Di navbera 01.01.2015-05.12.2015'an de di encama guleberdana hêzên dewletê (bi sedema ku li ser raweste nesekinî ne) 173 hatine kuştin, 226 kes birîndar bûne.

3 êrîşên întîxarî

- Di encama êrîşên întîxarî (kesên ev êrîş kirine ne têde) li Amedê (05.06.2015) 5 kes, li Pirsûsê (20.07.2015) 33 kes, li Enqereyê (10.10.2015) 100 kes, bi giştî 138 kes hatine kuştin.

- 4 kes di bin çavan de mirine.

- Di kuştinên kiryar nediyar de 19 kes mirine.

- Li girtîgehan ji ber sedemên cuda herî hindik 28 kes mirine.

- Di encama teqîna mayînan an jî bobeyên bêxwedî de 5 kes mirine, 22 jî birîndar çêbûne.

1593 karker mirin

- Di pevçûnan de 171 leşker, polîs û cerdevan, 195 mîlîtan, 157 sivîl, bi giştî 523 kesî jiyana xwe ji dest daye.

- Di encama şîdeta mêran de 282 jin hatine kuştin.

- Di qeza/kuştinên kar (dema xebatê) de bi giştî 1593 karker mirine.

- 347 kesî serî li wan daye ku gotiye di bin çavan de îşkence li wan hatiye kirin.

Girtina şaredaran

- Bi giştî 17 hevşaredarên kurd hatin girtin, 9 jê girtî bi giştî 15 hevşaredar ji aliyê Wezareta Karên Hundir ve ji peywirê hatin girtin.

- Di encama operasyona li hemberî HDP/DBP û HDK'ê de 6744 kes hatin binçavkirin, ji van 1285 kes hatin tewqîfkirin.

- Bi giştî 105 hezar û 958 malper hatin sansurkirin, qedexe danîn ser wan. Par ev hejmar 40 hezar û 773, di sala 2013'yan de ev hejmar 35 hezar û yek bû.

Êrîşa ser partiyan

- 417 jê HDP, 11 AKP û 4 jî CHP bi giştî li hemberî 432 avahiyên partiyên siyasî êrîş çêbû.

- Tenê di navbera 6-8'ê rezbera 2015'an de êrîşê 100 avahiyên HDP'ê hat kirin.

- Di nava salê de gelek sendîkavan hatin binçavkirin.

- Hêzên dewletê êrîşê kesên civîn û çalakiyan li dar dixin kir, bi giştî 3377 kes hatin binçavkirin, ji van 201 kes hatin tewqîfkirin.

Hejmara girtiyan di dema AKP'ê de zêde bû

- Li gor agahiyên Wezareta Edaletê 164 hezar û 461 kesên girtî, hikumxwar hene. Par ev hejmar 154 hezar û 179 bû. Dema AKP hat ser kar ev hejmar tenê 59 hezar û 429 bû.

- Li gor daxuyaniya Cîgirê Serokwezîrê Tirkiyeyê Numan Kurtuluş hejmara Sûriyeyiyên ku hatine Tirkiyeyê 2 mîlyon û 225 hezar û 147 kes en.

**

Ji 2015'an:

- 2015: Li Dinyayê herî zêde li van vîdyoyên muzîkê temaşe kirine 

- 2015: Fîlmên herî zêde lê hatine temaşekirin