Diyarname
Serokomarê Iraqê Celal Talabanî îro hat Tirkiyeyê. Talabanî du rojan dê li Tirkiyeyê bimîne.
Serokomarê Iraqê Talabanî wekî mêvanê Serokomarê Tirkiyeyê Abdullah Gul ji bo du rojên xebatê hat Tirkiyeyê. Li Balafirgeha Esenboga a Enqereyê li ser navê hikumetê Cemil Çiçek pêşwazî li Talabanî kir ku di pêşwaziyê de rayedarên leşkerî nîn bû. Her wiha Waliyê Enqereyê Kemal Onal, Serokê Hak-Parê Sertaç Bucak, Serokê KADEP'ê Şerafettîn Elçî û balyozgerên enqereyên yên welatên Ereb di merasima pêşwaziya Talabanî de cih girtin.
Li Tirkiyeyê dema serokê welatekî bi awayekî fermî bê vexwendin di merasimê de rayedarên leşkerî jî amade dibin, ji ber ku rayedarên leşkerî yên li Tirkiyeyê nedixwestin di merasimê de amade bin, wekî formul; Talabanî ne bi awayekî fermî, wekî serdaneke ji bo xebatê hate vexwendin û bi vî awayî hat Tirkiyeyê. Digel ku di protokola Talabanî de çûyîna Anitkabîrê nîn bû jî Talabanî çû Anikabîrê, gotinên xwe di Deftera Anitkabîrê de nivîsîn û îmze avêt.
Di heyeta serdana Talabanî de ev kes hene: Wezîrê Maliyeyê yê Iraqê Bekir Cabir El Zubeydî, Wezîrê Petrolê Dr. Huseyîn El Şehristanî, Wezîrê Karên Avê Dr. Ebdulletîf Reşîd Letîf, Wezîrê Ewlehiya Neteweyî Şirvan El Vayli û Wezîrê Senayî Fevzi El Herîrî.
Tê hêvîkirin ku Talabanî li ser têkiliya aborî, siyasî, ticarî, çandî, leşkerî û enerjiyê ya di navbera Tirkiye û Iraqê de biaxive. Tê gotin ku di vê hevdîtinê dê li ser têkoşîna bi PKK'ê re, meseleya Kerkûk û neftê jî bê axaftin.
Her wiha li hin bajaran kurdan hatine Talabanî ya ji bo Tirkiyeyê bi çalakiyan şermezar kir.
Foto ji Cnnturkê hatiye girtin