Diyarname
Meclisa Tirkiyeyê roja 23'yê mehê dest pê dike û di destpêka vekirina meclisê de surprîz hene. Yek ji wan jî Dilek Ocalan û Tugba Hezer ên HDP'yî ne.

Meclisa Tirkiyeyê roja 23'yê mehê saet 15.00'an de bi sondxwarinê dê dest pê bike. Mebûsê CHP'ê Deniz Baykal ji ber ku mebûsê herî extiyar e ew dê meclisê bi rê ve bibe heta Serokek ji bo meclisê bê hilbijartin. Baykal dê sond bixwe û meclisê bi rê ve bibe. Ji bo serokatiya meclisê 6 katib jî lazim in. Di meclisê de herî ciwan mebûsa HDP'ê ya Wanê Tugba Hezer (26 salî) e. Yek ji herî ciwanan mebûsa AKP'ê ya Tokatê Fatma Gaye Guler (27salî) ye ku ew jî dê katibî bike. Dûre mebûsa HDP'ê Dilek Ocalan (28 salî) tê. Ocalan jî dê di dîwanê de cih bigire û katibî bike. Li bendê ne ku ne roja yekem lê di rojên dû re heta serokatiya meclisê bê hilbijartin dê Ocalan jî carina katibî bike.