Diyarname
Ji Şaredar û rêveberên BDP'ê yên ku hatin girtin jê 13 şaredar 23 kes hatin tewqîfkirin û ew şandin girtîgehê. Şaredar û mebûs îro saet 13'yan de dê li ber Adliyeyê daxuyanî bidin çapemeniyê.
Du roj berê li 11 bajaran polîsan avêtibû ser mal û cihên Şaredarên û rêveberên BDP'ê û 80 kes girtibûn bin çavan. Ew duh derdixstin dadgehê.Heta derengê şevê îfadegirtina wan dom kir. Di encamê de ev kes hatin girtin: Hevserokê Kongreya Civaka Demokratîk û mebûsê berê yê DEP'ê Hatip Dicle, Cîgirê Şaredarê Bajar3e Mezin ê Amedê Ali Şimşek, Şaredarê Batmanê Nejdet Atalay, Şaredarê Sûrê Abdullah Demirbaş, Şaredarê Kayapinarê Zulkuf Karatekin, Şaredarê Qoserê Ferhan Turk, Şaredarê Cizîrê Aydin Budak, Şaredarê Sirûcê Etem Şahin, Şaredara Wêranşarê Leyla Güven, Şaredarê berê yê Yenîşehîrê û serokê DTP'a Amedê parêzer Firat Anlı, Şaredarê berê yê Wêranşarê Emrullah Cin, Şaredarê berê yê Batmanê Huseyin Kalkan, Şaredarê berê yê Pîranê Abdullah Akengin, Şaredarê berê yê Erxenî Nadir Bingöl, Midûrê Giştî yê DÎSKÎ Yaşar Sari, Cîgirê Serokê Giştî yê ÎHD'ê û Serokê ÎHD'a Amedê parêzer Muharrem Erbey, Kordînatorê Yerele Gundem 21'ê yê Amedê Fethi Suvari, xebatkarê BDP'ê Cebrail Kurt, siyasetmedar Ramazan Debe, Rêveberê Goç-Dera Amedê Abbas Çelik, Ahmet Makas, Kazim Kurt û Takibe Turgay.Demirtaş: Em gilî dikin, me jî bigirin
Mebûsên BDP'ê Emine Ayna, Selahattin Demirtaş, Gultan Kışanak, Sevahir Bayındır, Ayla Akat Ata, İbrahim Binici, Ozdal Uçer, Serokê Giştî yê BDP'ê Demir Çelik, Şaredarê Bajarê Mezin ê Amedê Osman Baydemir got: “Me jî heman sûc kiriye, me jî bigirin."Demirtaş wisa got: "Yan me jî bigirin, yan jî hevalên me berdin. Ev şanoya beredayî bi îxbarên beredayî dest pê kir. Ger ew qas şaredarê me, siyasetmedarê me ji ber îxbarê têne girtin, em jî xwe îxbar dikin. Hem jî bi îxbareke cidî...Ne îxbareke beredayî."
Baydemîr: Bila min jî bigirin
Şaredarê Bajarê Mezin ê Amedê Osman Baydemîr jî wisa got: "Yek ji pirsên ku ji Midûrê Me yê Giştî yê DÎSK'î pirsîne, dibêjin 'We çima zerar daye binesaziya Îdareya Toplu Konutê'. Ji ber vê yekê ew girtine. Ger wî zerar daye min jî zerar daye. Ez li vir im. Bila min jî bigirin. Nejdet Atalay çi kiribe, yên din çi kiribe min jî kiriye bila werin min jî bigirin. Yan hûnê me hemûyan bigirin, hemû siyasetmedarên bi rûmet bigirin yan jî hûnê wan berdin. Em bêrûmetiyê qebûl nakin. Ji ser hilbijartinê re 9 meh derbas bûye 9 meh in em li vî bajarî kar nakin. Her 10 rojan carekê operasyoneke dest pê dike, niha jî Midûrê Me yê Giştî girtine. Sibê wê sekreterê giştî bigirin. Îro Cîgirê me girtine, sibê wê yekî din. Em dibêjin bila dev ji vê polîtîkayê berdin. Wê çaxê werin me jî bigirin. Me hemûyan bigirin û vî bajarî hûn bi rê ve bibin."
***
- Nûçeyên eleqedar:
- Baydemîr: Biaqil bin bila gotin xelas nebe
- Navên 80 kesên hatine binçavkirin
- Deqeya dawî: Li hemberî BDP'ê operasyon, şaredar di bin çavan de ne
.jpg)