Diyarname

Weşanên J&Jyê xebata xwe ya weşandina pirtûkan didomîne. Weşanxane ku niha ji bo Fûara Amedê amadehiyên xwe dike romana nû ya nivîskar Cîhan Roj weşand. Romana Roj bi navê "Hurcahil" derket û pirtuk di fûarê de dê bê belavkirin û nivîskar Cîhan Roj jî dê ji bo roja îmzeyê li fûarê be.

Nivîskar Cîhan Roj ku di malpera de qunciknivîskarî jî dike heta niha pirtûkên wî yên helbestan "Ratîka" û "Aqil Diçe Sewda Dimîne", dîsa sê pirtûkên çîrokan çîrokan û romanên wî bi navê "Gîtara Bê Têl", "Meşa Moriyan" û "Perde" derketibûn. Niha jî "Hurcahil" derket. “HURCAHIL” di romana kurdî de cerebeyeke nû, rêbazeke teze û pêngaveke wêrekbar e:

"Gulfîdana tarî… Bi aqlê fesîh ku bête gotin, li hin ciyan însan çima hewqas bi rihetî dikare bibe kesek tarî… Fermanê ku jê re hurcahil tê gotin. Jiyaneke ku ji parçeyek naylona şîn reng girtî. Jiyaneke ku dişibe halê zikê sûrên Amedê. Fermanê ku sikaka MarPaytun ji bo xwe kiriye cîhan… Hurcahilê bi tesadifekê, ji hukmê fîlmekê, bi dû dikeve da têkiliya xwe û mekan bibe întixarê. Sehneyên cuda; kesek ku li ber mirinê ye, li ber xwe dide ku ruhê xwe nede ruhstîn. Jiyan û sehneyên sêwirî yên ku em naxwqazin bêjin, ew sehne hatine sêwirîn… »

Hurcahil / Cîhan ROJ / WEŞANÊN J&J / Roman /88 rûpel / Avrêl 2015