Diyarname

Nivîskar Fêrgîn Melîk Aykoç pirtûkek din pêşkêşî pirtûkxaneya kurdî kir: "Bextê Dagirkirî".

Romana bi navê "Bextê Dagirkirî" ya Fêrgîn Melîk Aykoç ji Weşanên Ar derket. Aykoç qedexekirina PKK'ê ya li Almanyayê wekî mijara sereke ji bo romana xwe girtiye û bi zimanek herikbar romana xwe rêstiye. Di romanê de ji gelek aliyan ve meseleya sosyolojîk a civakî cih girtiye. Serokê Enstîtuya ji bo Lêkolîn û Zanistê Fewzî Ozmen romanê wiha dinirxîne: "Fêrgîn wekî mijar; li diyasporayê trajediya malbateke di nav bûyerên siyasî yên Têkoşîna Azadiya Gelê Kurd de hilbijartiye. Bi şêwaz û vegotineke xurt û herikbar roman hûnandiye. Ez bawer dikim wê ev roman bibe mijara gelek nirxandin, nîqaşan û wê di qada romana kurdî de şopeke nû veke. Bi gotineke bê pesin; Fêrgîn di vê romanê de şêwazeke nû, vegotineke nû, şayesandineke nû, sêwirandineke nû û zimanekî nû bi awayekî serkeftî bi kar aniye. Her kesên ku vê romanê bixwîne, wê bikare xwe, yan jî aliyekî xwe jî tê de bibîne."