Diyarname 

Festîvala Fîlman a Cannesê ku meha pêşiya me li dar dikeve, fîlmên dê bi hev re bikevin pêşbaziyê û endamên juriyê amade ne.

Festîvala Fîlma a Cannesê îsal 68'emîn car li dar dikeve. Festîval di navbera 13-24'ê gulanê de li dar dikeve. Îsal ev fîlm ji bo Xelata Palmiyeya Zêrîn dikevin pêşbaziyê: "Sicario : Denis Villeneuve, The Sea of Trees : Gus Van Sant, Louder Than Bombs : Joachim Trier, Youth : Paolo Sorrentino, Saul Fia : Laszlo Nemes, Mia Madre : Nanni Moretti, Mon Roi : Maiwenn, The Lobster : Yorgos Lanthimos, Macbeth : Justin Kurzel, Umimachi Diary : Hirokazu Kore-Eda, Shan He Gu Ren : Jia Zhang-Ke, Nie Yinniang : Hou Hsiao Hsien, Carol : Todd Haynes, Il Racconto Dei Racconti : Matteo Garrone, Margurite et Julien : Valerie Donzelli, La Loi du Marche : Stephane Brize, Dheepan : Jacques Audiard."

Her wiha endamên juriyê ku dê serketiyê Xelata Palmiyeyê diyar bikin hatin eşkerekirin. Serokatiya juriyê dê derhênerên navdar birayên Coen (Joel û Ethan Coen) bikin. Her wiha lîstikvana fransiz Sophie Marceau, sînemagerê ji Kanadayê Xavier Dolan, lîstikvana îngilîz Sienna Miller,  derhênerê ji Meksîkayê Guillermo del Toro, lîstikvana ji Spanyayê Rossy de Palma, stranbêja ji Mali Rokia Traore û lîstikvanê ji DYA'yê Jake Gyllenhaal endamên juriyê ne.

Festîval dê bi nîşandayîan fîlmê derhêner Emmanuelle Bercot ê bi navê "La Tete Haute" dest pê bike.

Ji Tirkiyeyê tenê kurtefîlmê Ziya Demirel "Sali" (Sêşem) di festîvalê de cih digire.