Diyarname

Serokdewletê Rusyayê Vladimir Putin zagoneke nû îmze kir: "Li gor vê zagonê serokên berê yên rus dema ji Kremlinê veqetin heta dawiya emir dê endamê Konseya Federasyonê bin û ji hemû lêpirsînên cezayî dûr bin." Bi vê zagonê dê betalkirina biryara destnedana serokek berê dijwar bibe.

Serokên Rusyayê dema li ser kar bin biryara destnedana wan heye, tu zagon nikare wan bidarizîne lê bi vê zagonê piştî ji kar derkevin jî têne parastin.

Her wiha bi vê zagonê bi qasî 30 endamên din dikarin ji bo Konseya Federasyonê bêne peywirdarkirin ku ev konsey meclisa bilind a Rusyayê ye.

Di vê zagonê de xalek wisa jî heye: Biryara destnedanê tenê ji bo îxanet û sûcên cidî dikare were betalkirin; ew jî bi biryara Zagona Bingehîn, û bi dengên ji sisêyan diduyê endamên Duma, Parlemen û Konseya Federasyona Rusyayê dikare were betalkirin.