EFRÎN

Li ser sînorê Efrîn û bakurê Kurdistanê de, li aliyê Tirkiyeyê komên bi guman digerin û heta niha şivanek kuştine. Her wiha di nava mehek dawî de liv û tevgera leşkerên Tirkiyê jî zêde bûye.

Li gorî agahiyên ku çavkaniyên ji gundên ser sînor ragihandine, liv û tevgera leşkerên tirk a li ser sînor di meheke dawî de zêde bûye. Çavkaniyan destnîşan kirin ku li hemberî gundê Sînara ya Navçeya Şiyê li qereqola bi navê Tofê ku berê vala bû, komek leşkerên tirk hatine bicîhkirin.

Welatiyan ragihandin ku piştî ev koma leşkeran hatiye herêmê, şivanekî ji gundê Sînarê di nava sînorên gund de ji aliyê van kesan ve hatiye kuştin. Gundiyan anîn ziman ku gumana wan ji wan kesan heye ku endamên DAIŞ’ê bin.

Heman çavakaniyan diyar kirin ku leşkerên tirk jî li heman herêmê bi 6 tirimpêlan li ser sînor di nava liv û tevgerê de ne û her dewriyek wan jî di navbera 35 û 50 kesan de diguhere. Gundiyan gotin ku ev liv û tevger di nava 2 hefteyên dawî de zêde bûye. Gundiyan destnîşan kirin ku leşkeran gundiyên ku li çiyayê gundê Hemam ê li nêzî sînor jî gulebaran kirine û ew tirsandine.

ANHA