Amed
Berdevka Kongreya Civaka Demokratîk Leyla Zana di kongreyê de got ku ew aştiyek bi rûmet dixwazin.

Kongreya Civaka Demokratîk (KCD) a 2'yemîn a Konreya Asayî, bi rojevên, "Pêşveçûnên siyasî yên dawî" û "Stratejiya hilbijartinên herêmî" li Salona Konferansê ya Vedat Aydin a Rêxistina DTP'ê ya Amedê civiya. Berdevka KCD'ê Leyla Zana, Hevseroka DTP'ê Emîne Ayna, parlementerên DTP'ê Selahattîn Demîrtaş, Ayla Akat Ata, Gultan Kişanak, Fatma Kurtulan, Pervîn Buldan, Hamit Geylanî, Osman Ozçelîk, Bengî Yildiz, Aysel Tugluk, Şaredarê Bajarê Mezin ê Amedê Osman Baydemir, Parlementerê DEP'ê yê berê Selîm Sadak, ji Meclisa Aştiyê ya Tirkiyeyê Seydî Firat, şaredariyên DTP'yî, hîndekar, nivîskar, rojnameger, endamên DÖKH'ê û Ciwanên Demokratîk ên Welatparêz (YDG), nûnerên rêxistinên civakî jî di nav de bi tevahî 600 kes beşdarî civîna dê 2 rojan dom bike, bûn.

Bi kincên neweteyî beşdar bûn

Li salona civînê dowîzên kurdî yên wekî "Bi lêgerîna azadiya jinê û coşa şoreşger a ciwanan em civaka demokratîk ava dikin", "Bi tîroşên rojê em pergala komala ava dikin", "Bi Xweseriya Demokratîk a Kurdistanê ber bi komara demokratîk ve" û "Hêza binehîn a şoreşgeran ew e ku şehîdana fam bike, ji wan re bibe bersiv û wesiyeta wan bi cih bîne û bide jiyîn" hatin daliqandin. Hind delege û şaredarên Gever, Colemêrg û Şemzînanê bi kincên neteweyî beşdarî kongreyê bûn. Kongreya dîwana wê hate bijartin bi rêzgirtina di şexsê Apê Musa de ji bo şehîdên demokrasî û azadiyê pêk hatî, dest pê kir.

'Kurdan daxwazên xwe danîn holê'

Serokê Dîwanê Kamuran Yuksek balkişand ser girîngiya Kongreya Civaka Demokratîk û ev tişt gotin: "Kongreya me ya yekemîn de daxwazên kurdan bi zelalî derketin holê. Kurdan projeya xwe ya Xweseriya Demokratîk danî holê. Bi vê pergalê li Tirkiyeyê hemû cudahî dikarin bi hev re bijîn. Bi kongreyê gelekê têkildarî mafê tayîn kirina çarenûsa xwe ji cîhanê re aşkera kiriye. Her wiha di demek operasyon û pevçûn zêdebûyîn de kongreya me rolek mezin lîstiye û bi serhildan, têkoşîn û çalakiyan di nav siyasetê de bi yek dengî cihê xwe girtiye. Li hemberî operasyonan rawestiya ye û daxwazên gel ên demokratîk anîne ziman. Di pêşeroja me de jî dê li hemberî azadiya kurdan şerek tund bê meşandin û ji bo vê yekê dê gelê kurd cardin bi kongreya xwe bersiv bide. Ji bo vê yekê em dê bi rojevên 'pêvajoya siyasî', 'rewşa Kongreya Civaka Demokratîk' û 'stratejiya rêveberiyên herêmî û hilbijartinê' kişf bikin."

'Cihê me lê ne baweriyê dide mirov'

Piştre Berdevka KCD'ê Leyla Zana axavî. Zana bi gotina, "Apê Musa 16 sal berî niha ji nav me veqetiya. Ez Apê Musa, husnû û Cîhan bi rêzdarî bibîrtînim" dest bi axaftina xwe kir. Zana got ku gelê kurd di demek krîtîk de derbas dibe û ev tişt gotin: "Me di demek pir krîtîk de jî 1'emîn Kongreya KCD'ê pêk anî. Xaya em hatin bawerike mezin dide mirov. Li gorî mina lazim e em li ser van xebatan kûr û dûr bisekinin. Divê em îradeya xwe bi awayek zelal danên holê.

Ji ber ku ne tenê çavên dostên me yên dijminên me jî li ser me ye. Divê em gavên xwe li gorî vê yekê bavên. Ger em li gorî rojeva Tirkiyeyê biçin dê rojeva me ji holê rabe. Ji ber vê yekê divê em rojeva xwe bi xwe kişf bikin. Çend pirsgirêkên girîng ên Tirkiyeyê hene. Pirsgirêka ermen, Qibris û kurd e. Serokwezîr Gul çû Emenîstanê. Ev pir baş bû. Bi rastî me çareseriya pirsgirêkên Ermenîstan û Qibrisê dixwazin. Ku ev pirsgirêk bên çareserkirin dê pirsgirêka kurd jî bê çareserkirin. Heta niha Ergenekonvanan çareserî asteng kirin. Ji bo wê divê kurd pir dîqat bikin. Divê kurd bigirin pêsîra Erdogan re û darizandina wan bixwazin."

'Em parsek nînin'

Zana derbirî ku ew aştiyek bi rûmet dixwazin û wiha pêde çû: "Em parsek nînin. Em ji bo vê destê xwe venakim. Ku me li cem xwe dixwazim em hene. Lê aştiyek yekalî nabe." Zana li ser hilbijartinan jî wiha got: "Ku qadro baweriya vî gelî neşikînin û ev gel li cem ye. Heta gel dê ligel xwe min me jî bimeşîne. Li ku em pişta xwe bidin gel, bikevin nav rant û talanê gel me efû nake. Ev di heman demê de seviyeya gelê me jî nîşan dide. Dizane kî bêsamîmyet nêzîk dibe. Ji bo vê yekê yên dibin berendam û hilbijartin lazim e baş bifikirin. Pêşniyara min ew e ku yên karê xwe nekin ji hêla dadgeha gel ve bên darizandin. Lazim e gel ceza bide. Gelê me hatiye vê astê. Xizmeta gel berpirsyariyek e û pîrozewer e. Hêviyên me tevah hene. Kurd dê statuya xwe bi xwe kişf bikin."

Piştî axaftina Zana axaftina kongreyê ji çapemeniyê re girtî dom kir.

Ji DÎHA'yê hatiye girtin