Yalçin Dogan
Xwîn ji rûyê rexnegirê sporê Osman Tamburaci vedikişe. Bi gotina, "Tu çawa xeber didî" ji cihê xwe hil dibe, ji hêrsan dest û lingên wî lihev dikevin ji nişke ve.
9 rezber, rojek berê. Saet 17.54. Cih Komeleya Nivîskarên Sporê ya li Leventê. Komek heval bi hev re sohbetê dikin. Di nav wan de Osman Tamburaci jî heye. Tamburaci berî ku bê komeleyê li STY TV li ser maça Tirkiye-Belçîka dîtinên xwe aniye ziman.
Li komeleyê heval ji vir de û wir de sohbet dikin, di nav sohbeta ji dil de zingilê telefona Osman Tamburaci lê dide.
DI TELEFONÊ DE ÇÊR
Tamburaci telefonê vedike, yê ku digere Teknîk Dîrektorê Tîma Neteweyî ya Fatih Terim e.
Dema dest bi axaftinê dike hêrsa Tamburaci xwe dide der, axaftina telefonê bi hevalê xwe jî dide guhdarî kiri.
Terim:
"Lo Osman, gavek berê te di SKY TV de xeber daye, ji min re gotin. Min çi gotiye? Te gotiye rojevê diguherîne. Olan ev çi axaftin e?"
Tamburaci li hemberî vê şêwazê şaşwaz dibe, bi hurmet:
"Xoce, tu her di demên wisa de li min digerî, carekê jî ji bo li hal û hewala min bipirsî bigere."
Terim nikare xwe bide rawestandin:
"Olan ez di simbêlên ten..."
Tamburaci ji cihê xwe hil dibe, "Tu çawa xeber didî", ji hêrsan diricife. Teknîk Dîrektorê Tîma Neteweyî xwe winda dike:
"Olan ez di diya te, jina te n..".
Tamburaci diqîre: "Rast biaxive", Terim çêrên xwe yê dijwar rêz dike.
Vaye li hizûra we Teknîk Dîrektorê Tîma Neteweyî.
GENERAL PATTON
Herî hindik şeş-heft kes şahidên vê yekê ne. Yek jî ji xwe guh dide.
Telefon tê girtin. Osman Tamburaci di cih de li parêzerê xwe digere. Xwe amade dike ku doz der barê Fatih Terim de veke. Tevî qeydên telefonê.
Ev barana çêran û dûre jî dadgeh, ev ne axaftina di navbera du kesên taybet de ye. Jixwe ne mikkûn e jî. Ji ber ku yê çêran dike teknîk dîrektorê ku ji tîma neteweyî perpirs e.
Ger teknîk dîrektorekî ku tîma neteweyî dixebitîne li hemberî rexneyekê wisa xwe winda kiribe, ji zû de sînorên terbiyeyê derbas kiribe, ew kes kîjan serketinê bi dest bixe bila bixe, nikare wekî berpirsê tîma neteweyî bimîne.
Gelek mînak hene. Hê par teknîk dîrektorekî tîmeke Enqereyê ji ber ku çêr li fulbolkarekî xwe kir ji kar hat dûrxistin.
Di dîrokê de mînakekî navdar heye. Di Şerê Cîhanê yê Duyemîn de serleşkerê bi serketî General Patton. Generalê ku bihêrs e, nikare li cihê xwe bisekne, generalekî ku ne diyar e ji devê wî çi dertê. Ew bi ser leşkerekî de hêrs dibe, tevî çêran sîleyek lê dide. Kariyera General Patton jî li wê derê bi dawî dibe.
HERAKETA LI PÎŞEYÊ
Niha ez meraq dikim.
Çapemeniya sporê û saziyên çamepeniyê li hemberî vê bûyerê dê helwesteke çawa nîşan bidin? Dê bûyerê ji bîr bikin û ji bîr bikin, yan dê heqareta li pîşeyê qebûl bikin û dest ji berstûka Terim bernedin?
Lê Federasyona Futbolê?
Dê bibêjin kêliyeke hêrsbûyînê ye û dev jê berdin, yan dê ehlaqa sporê ku dev jê nayê berdan derxin holê, sipas ji bo Terim bikin?
EW JÎ BIHÊRS E
Ez li Terimê dinêrim, bi şêwaz, helwesta xwe dişibe yekî. Bi îlhama ku ji Serokwezîr girtiye, bi hêrs bersiva rexneyê dide, bikêf e ku dersê bide rojnamegeran.
Pêr bi gotina "hê hûn hîn nebûne di navbera çarşem-şemiyê de çawa tevbigerin" rexne li rojnamegeran nekir. Mixabin wan jî bersiv neda. Terim qadê vala dibîne. Lê divê bi hedê xwe bizanibe.
Ev nivîs duh piştî nîvro hate nivîsin, berî maça bi Belçîkayê re. Tu dixwazî bila bi 10-0 Belçîka têk bibin, tu dixwazî bila kûpaya cîhanê bi dest bixin çi xem e?
Gotina Aristo ya ji bo Îskender di rewşên wisa de derdikeve holê: Yan serketin yan qet.
Ji Hurriyetê hatiye girtin
Têbiniya Diyarnameyê: Li Tirkiyeyê ji ber ku pişta wî xurt e kêm kes diwêrin rexne li Fatih Terim bikin.