Diyarname
Markeya navdar a teknolojiyê Sony pirtûka elektronîk "Sony Reader" derxist. Pirtûk li Îngilistanê li piyaseyê ye.

"Sony Reader" di mezinahiya pirtûkekê de ye û 160 roman dikarin têde bêne bi cihkirin. "Sony Reader" ku giraniya wê bi qasî giraniya pirtûkekê jî nîn e li Îngilistanê niha derkete bazarê û bi 400 dolarî tê firotin. Şerza pirtûk jî bi qasî ku mirov 5 caran pirtûka "Şer û Aştî" ya Tolstoy bes e.

Hin niha di fikarê de ne ku ev yek dê dawî li firotina pirtûkên heyî bîne. Ekranê kompîturan dibiriqe û yên ku pirsgirêka wan a çavan hebe dikevin bin tesîra vê yekê, lê yê "Sony Reader" ekrana wê nabiriqe, nivîs jî li gor daxwazê dikarin bên mezinkirin. Dema hûn pirtûka xwe vedikin bi awayekî otomatîk hûn di kîjan rûpelî de mabin ew rûpel tê pêş we û bi rehetî hûn xwendina xwe didomînin.

Ji Weşanên Penguen John Makinson dide zanîn ku ew hê nizanin e-pirtûk dê çiqas bibin alternatîfê pirtûkên heyî, lê texmîna wî ew e ku heta sala 2010'an dê sedî 1 cihê pirtûkên tê firotin bigire.