Diyarname
Navçeya navendî ya Amedê Baglar heta niha bê pirtûkxane bû. Niha pirtûkxaneyeke hate amadekirin û li benda alîkariyê ye.

Baglara Amedê xwedî 350 hezar serjimariyê ye û nîvê vê serjimariyê temenê wan di navbera 18-25'an de ye. Ew kes heta niha bê pirtûkxaneyekê bûn, navendeke wan a çandê nîn bû. Li ser vê yekê Şaredariya Baglarê tevî ciwanan zend badan û dest bi avakirina navendeke çandê û pirtûkxaneyeke kirin. Di dawiyê de bi ser ketin: Şaredarî di kurtedemeke paşê dê Mala Ciwanan a Baxalarê û Pirtûkxaneya Ciwanan a Baxlarê veke. Ji bo vê yekê maleke kevn ku berê ji bo karê rezan bikar dianîn restore kir û niha dê bikeve faliyetê. Niha Şaredariya Baxlarê ji bo vê yekê li benda alîkariyê ye, ji her kes û sazî li bendê ye ku ji wan re pirtûkan bişînin.
Ji kurdîhezan jî li bendê ye ku pirtûkên bi kurdî ji wan re bê şandin.

Kesên ku bixwazin kedeke wan jî di vê pirtûkxaneyê de hebe dikarin pirtûkan bişînin vê navnîşanê:
Baglar Belediyesi Başkanligi Kultur Mudurlugu Toptancilar sitesi karşısı 21090
Diyarbakır
Tel:   +90 412 251 93 18