Diyarname
Yek ji fûarên pirtûkan ên mezin jî Fûara Pirtûkan a Frankfûrtê ye ku nivîskarên kurd jî dike mêvanên xwe.

Fûara Pirtûkan a Frankfûrtê ku di nav fûarên pirtûkan ên dinyayê de di rêzên pêşî de cih digire, ji sala 1949'an ve tê li dar xistin. Fûar îsal dê di navbera 10-14'ê vê mehê de li dar bikeve. Ji 100'î zêdetir welatan dê beşdarî çêbe û li bendê ne ku 7300 stand bêne vekirin.

Her sal welatekî wekî Welatê Mêvan tê hilbijartin. Îsal Zelandaya Nû wekî Welatê Mêvan hatiye qebûlkirin û sala 2013'yan dê Brezîlya, 2014'an de jî dê Fînlandiya vê payeyê bigire. Zelandaya Nû dê bi 70 nivîskar û 100 hunermendên de li Frankfûrtê amade be.

Di fûara ku bi hezaran bernameyên cur bi cur li lê lidar dikevin de îsal li bendê ne ku nivîskarên navdar ên wekî  Donna Leon, Herta Muller, Martin Suter jî beşdar bibin. Her wiha li gor agahiyên dawî dê lîstikvanê Hollywoodê Arnold Schwarzenegger jî di fûarê de amade be. Arnold Schwarzenegger jî di fûarê de amade be. Schwarzenegger dê di fûarê de otobiyografiya xwe bide nasîn.
 
Di Fûara Pirtûka a Frankfûrtê de her sal di warê "Xelata Aştiyê" (xalet xweser li gor piyaseya pirtûkên Almanan e) û "Xelata Navê Herî Balkêş ê Pirtûkek" du xelat bêne dayîn.

Nivîskarên kurd jî dê amade bin

Rojên pêşîn ên fûarê ji bo weşangeran, her du rojên dawî (13-14'ê mehê) ji bo mêvanan jî vekirî ne. Di van her du rojan de kurd jî panelan li dar dixin. Yek ji van xebatan jî Hêvî Grup dike ku ev kom di heman demê de xwedî Kurd FM'ê ye. Kom dike ku di fûarê de weşanxaneyên kurdan jî bide nasîn.
Hêvî Grup çend nivîskarên kurd îsal di fûarê de dike mêvan û ew dê wekî axifger beşdarî panelan bibin. Edîtorê malpera me Cemil Oguz, nivîskarên malpera me Helîm Yûsiv û Şêxmûs Sefer dê bi mazûvaniya Hêvî Grup li fûarê bin û di panelan de biaxivin.
Her wiha Ehmed Huseynî, Fêrgîn Melîk Aykoç, Mîr Qasimlo, Perwîz Cîhanî û Zeynel Abidin jî di heman çarçoveyê de dê li fûarê amade bin û axaftinê bikin. Her wiha nivîskar û helbestvan Arjen Arî jî dê li heman çalakiyê ba, lê ji ber nexweşiya xwe dê nikaribe beşdarî fûarê bibe.
Çalakiyên panela û gotûbêjan ên ku Hêvî Grup li dar dixe dê rojên 13 û 14'ê mehê li dar bin.
Ji bo têkiliyê:

peywendi@hevigroup.com