Diyarname
Festîvala Fîlman a Navneteweyî ya Stenbolê bi merasima xelatdayînê bi dawî bû. Fîlmê “Press” ku li ser rojnamegerên kurd hatiye kişandin di şevê de 4 xelat girt û mohra xwe li şevê da. Wekî fîlmê herî serketî jî “Saç” ê Tayfun Pirselimoglu û “Mikrofon”ê Ahmad Abdalla hat hilbijartin.

Di 30’emîn Festivala Fîlman a Navneteweyî ya Stenbolê de fîlmên ku di pêşbaziyan de bi ser ketin li Salona Lutfu Kirdar bi merasimekê hatin xelatkirin. Di şeva xelatdayînê ku lîstikvan Mehmet Ali Alabora pêşkêş kir de hunermend Şevval Sam jî çend stranên ji tangoyî pêk hat ên taybet pêşkêş kir.
Di şevê de fîlmê Sedat Yilmaz ê bi navê “Press” ku çîroka wê li ser rojnamgerên kurd ên di salên 90’an de di Ozgur Gundemê de dixebitîn bû 3 xelat girt û mohra xwe li şevê da. Derhêner Yilmaz dema dema xelata Federasyona Rexnegirên Sînemayê ya Navneteweyî  FIPRESCI girt ku li ser navê Onat Kutlar tê dayîn, Kutlar bibîr anî û da zanîn ku bi temaşekirina fîlmên wî mezin bûye (Efesê di vê çarçoveyê de 30 hezar Dolar ji bo di fîlmê bê de bikar bîne da Yılmaz). Dema xelata Juriyî ya Taybet a di Pêşbaziya Di Sînemayê de Mafên Mirovan “FACE” ku Konseya Ewropayê dide girt da zanîn ku ew kêfxweş e di vî warî de xelatek digire.

Di şevê de xelata Laleya Zêrîn ya di Pêşbaziya Navneteweyî de fîlmê Ahmad Abdalla yê bi navê “Mîkrofon” girt. Di heman beşê de xelata Juriyê ya Taybet jî dan “Bizim Buyuk Çaresizligimiz” a Seyfi Toraman û “A Useful Life” (Jiyana Bi Fêde) yê Federico Veiroj.

Fîlmê derhêner Derviş Zaim “Golgeler ve Suretler” ji ber ku di Festîvala Fîlman a Enqereyê de xelat girtibû ji ber rêziknameya  festîvalê ji pêşbaziyê hat derxistin. Di beşa Laleya Zêrîn ya Neteweyî de 13 fîlmbi hev re ketin qayişkêşanê û fîlmê Tayfun Pirselimoglu yê bi navê “Saç” xelata Fîlmê Herî Serketî girt. Di vê beşê de Xelata Derhenêrê Herî Serketî jî dîsa bi heman fîlmî Tayfun Pirselimoglu girt. (Wezareta Çandê 150 hezar dan fîlmê Laleya Zêrîn girt û 50 hezar da derhênerê herî serketî. Yanê Pirselimoglu 200 hezar TL’yên xwe di şevê de girt)

Wekî din di şevê de ev xelat hatin belavkirin:
Lîstikvana Herî Serketî: Nazan Kesal (Bir ola di Saç de)
Lîstikvanê Herî Serketî: Ahmet Mekin (bir ola di Gorunmeyen de)
Senaryoya Herî Serketî: Belma Baş bi senaryoya fîlmê Zefir
Derhênerê/a Dîmenê ya Herî Serketî: Birgit Gudjonsdottir (Bi fîlmê Bizim Buyuk Çaresizligimiz)
Muzîka Herî Serketî: Ahmet Kenan Bilgiç (Bi muzîka fîlmê Atlikarinca)
Xelata FIPRESCI di beşa Navneteweyî de: Norwegian Wood (Derhêner Tran Anh Hung)
Xelata FIPRESCI di beşa Neteweyî de: Press (Derhêner Sedat Yilmaz)
Xelata FACE: As If I’m Not There (Derhêner Juanita Wilson)
Xelata Radîkalê di warê Navneteweyî de: Bizim Buyuk Çaresizligimiz (Der: Seyfi Toraman)
Xelata Radîkalê di warê Neteweyî de: Atlikarinca (Der: İlksen Başarir) (Di şevê de ev xelat dan Pressê lê paşê ÎKSV’ê lêborîn xwest ku zerf tevlihev bûne, loma bi şaşî anons kirine. Serokê ÎKSV’ê ev daxuyanî da: Ji ber xetayeke wisa em gelek xemgîn in. Ev xelat bila bibe nezera 30 salên borî)

Piştî xelatdayînê fîlmê Susanne Bier ê bi navê “Di dinyayeke baştir de” hat nîşandayîn.