Diyarname
Sal 2011. Li Tirkiyeyê pirtûkek nehatiye çapkirin dibe sedema lêgerînan.

Ahmet Şik rojnamegerekî ye. Ew bi her halê xwe dijî Ergenekonê bû. Ji bo meseleya Ergenekonê zelal bibe pirtûk nivîsî, nûçe çêkir. Ji bo kuştinên li Tirkiyeyê zelal bibin, ji bo kuştinên JÎTEM'ê derkevin holê nûçe çêkir. Lê ew bi îdîaya alîkariya Ergenekonê demek berê hatibû girtin.
Vê carê jî ji bo pirtûka wî ya hê nehatiye çapkirin dozger ketin nav hewldanê. Roja 24'ê adarê de ji bo wê 'pirtûkê' desteser bikin avêtin ser mala Şik, weşanxaneya ku dê pirtûk jê derê, ofîsa parêzer Fîkret Îlkîz (parêzerê Ahmet Şik) û rojnameya Radîkalê (odeya Ertugrul Mavioıglu ku wî tevî Şik pirtûkek amade kiribû).
Belê di 2011'an de li Tirkiyeyê bûyerek wisa jî çêbû: Pirtûkek hê nebûye pirtûk (pirtûk heta çap nebe û neyê belavkirin wekî pirtûk nayê hesibandin) hat desteserkirin, kopyaya wê hate girtin û ji kompîturan hate jêbirin.

Weşanger û nivîskar Ragip Zarakolu wisa dibêje, "Di dîroka Tirkiyeyê de yekemîn car di salên 1930'yan de bîranînên Fewzî Çakmak berî bêne çapkirin wisa hatibûn desteserkirin. Ji bo wan bîranîna lêgerîn hatibû kirin û ew hatibûn desteserkirin. Niha jî bûyera duyemîn e."

Parêzer şaşmayî mane. Her kes vê yekê wekî bêhiqûqiyeke dihesibîne.

Û Danezana Gerdûnî ya Mafên Mirovan di Xala 19'an de wisa dibêje: "Mafê her kesî heye ku bifirin û fikra xwe bîne ziman. Divê ji ber vê fikrê neyê acizkirin. Bêyî sînorên welatan hebin, dikarin ji her rê li ser agahiyan û fikran lêkolîn bike û wan belav bike."