Diyarname
Li meclisê "Pêşangeha pirtûkên mebûsan" vebû. Lê pirtûkê Osman Ozçelîk ê bi kurdî nexistin pêşangehê.

"Pêşangeha pirtûkên mebûsan" ku ji pirtûkên mebûsên vê demê pêk tê li meclisê vebû. Berî pêşangehê bi mehekê Midûriyeta Werger û Dokumantasyonê ya Pirtûkxaneya Meclisê ji hemû mebûsan xwestibû ku çi pirtûkên wan hene ji bo ku di pêşangehê de cih bigirin bişînin. Li ser vê yeke mebûsê DTP'ê yê Sêrtê Osman Ozçelîk pirtûka Aleksandre Soljenitsin “Rojeke îvan Denisoviç” ku wergerandibû kurdî jî şandibû. Pirtûk hatibû qebûlkirin lê di pêşangeha ku niha vebû de pirtûk cih nagire.

Di pêşangeha ku dê heta 30'ê gulanê deriyên wê ji bo temaşevanan vekirî bimîne de pirtûka mebûsê DTP'ê yê Şirnexê Hasip Kaplan "Bir Onur Kavgasi" (Têkoşîneke Rûmetê) jî heye.