DiyarName.Com

Li Amedê Konferansa 'Wêjeya Kurdî' tê lidarxistin

Kongreya Civaka Demokratîk (KCD) roja 11-12 berfanbarê li Amedê konferansa çand, huner û wêjeya kurd li dar dixe. Wê gel

AMED
Kongreya Civaka Demokratîk (KCD) roja 11-12 berfanbarê li Amedê konferansa çand, huner û wêjeya kurd li dar dixe. Wê gelek rewşenbîr û hunermend ji Îran, Iraq, Sûriye û Ewropa beşdarî konferansê bibin. Di konferansê de wê pirsgirêkên gerdûnî wekî ‘endustrîkirin’ û ‘biyanîkirin’, bişaftin û qirkirina çandî bê gotûbêjkirin.

Ji bo konferansa Çand, Huner û Wêjeya Kurdî, Hevserokê KCD’ê Ahmet Turk, Hevserokê BDP’ê Selattin Demirtaş, Şaredarê Bajarê Mezin ê Amedê Osman Baydemir, hunermend Tara Caf, Rojda, Mikaîl Aslan, derhêner Yuksel Yavuz, zimanzan Samî Tan, lêkolîner prof. Celilê Celil, helbestvan Abdullah Peşew, nivîskar Kakşar Oremar jî di nav de komek ji 20 kesan hat avakirin. Ji bo konferansa ku wê di rojên 11-12 berfanbarê de bê lidarxistin, wê roja 30’ê kewçêrê li Salona Resepsiyona Superpark banga beşdarbûnê bê kirin.

WÊ BEHSA BIŞAFTIN Û QIRKIRINA ÇANDÎ BÊ KIRIN

Wê di konferansê de pirsgirêkên gerdûnî wekî ‘endustrîkirin’ û ‘biyanîkirin’, bişaftin û qirkirina çandî bêne gotûbêjkirin. Her wiha, mijarên wekî “zimanê kurdî”, “wêjeya wê”, “hunera wê”, “dîroka çanda kurdî” û “çavkaniyên wê” wê bêne gotûbêjkirin.

WÊ JI HER DERÎ BEŞDAR BIBIN

Wê ji Îran, Iraq, Sûriye û gelek bajarên Tirkiyeyê gelek hunermend, nivîskar, rewşembîr û lêkolîner beşdarî konferansê bibin. Wê konferans di dawiyê de encamnameyekê biweşîne.

Ji ANF'ê hatiye girtin