Diyarname
Pirtûka Nuri Bilge Ceylan a fotografan "Sinemaskop Tirkiye" derket. Pirtûk bi 500 TL'yî tê firotin.

Pirtûka "Sinemaskop Tirkiye" ku ji wêneyên derhêner Nuri Bilge Ceylan pêk tê ji Weşanên NTV derket. Pirtûk bi tirkî û îngilîzî hatiye çapkirin û tenê 1000 hezar çap kirine. Ji bo vê yekê jî yeka wê bi 500 TL'yî tê firotin.Piraniya fotografên di pirtûkê de Ceylan berî kişandina fîlmê xwe "Îklîmler" kişandine ku wê demê ji bo cihê kişandina fîlm digeriya. Hin bajarên kurdan jî (wekî Riha, Xelat, Agirî, Midyad, Erdexan, Mêrdîn, Semsûr, Bazîd) di nav de, fotografên li gelek bajarên Tirkiyeyê hatine kişandin û gelek balkêş in. Heman fotograf di sala 2006'an de di Festîvala Fîlman a Selanîkê de di pêşangehekê de hatibûn pêşkêşkirin.Di pirtûkê de 97 fotografên panoramîk cih digirin.

Nivîskar Yildirim Turker li ser wêneyên Nuri Bilge Ceylan wisa dibêje:
"Her wêneyê di Sinemaskop Tirkiye de wekî kareyên hatine tijekirin, hepskirin ên fîlmekê ne. Nuri Bilge Ceylan dema kameraya xwe digire destê xwe dinya bi awayekî bêdeng li ber dramaturjiya wî serî ditewîne.Dema vê razê wekî aşîtê mezin dike û bi ser me de gêr dike, li hemberî yên dinêrin, yanê li hemberî me qubê dixwaze."