min ji te hez kir
pirr pirr pirrr
dibû pirpira çivîkan li her qefesê:
û te, li ber firê çavên xwe kil dikir.
reş bûn ji xwe
zivr zivr, kevanî
reştir dibûn bi kilê siphanî
her çiya bi evînekê bi nav dibû:
û te, di çavên xwe de azadî xwedî dikir!
min ji te hez kir
li dû her koçberiyê pirtir
û gelektir ji xwe, ji gelekî gelektir
her ku mirina kevokan dihat tu ji dimir
baz xayîn ketin Sarya min:
min ji mirina te hez kir!
*Ji diwana duyem, “ev çiya rûspî ne”.
Têbinî: Ez ê îro ji alimekî bipirsim ka kefareta sûndê çi ye!
.jpg)
