DiyarName.Com

Meşa seba aştiyê

Dîrok: 11/10/2015

Seba aştiyê dimeşiyan; ew kedkar bûn wan xwêdan tevlî jiyanê dikir, ew bi qelem bûn hubra wan tevlî kenê zarokan dibû. Ew doktor, hemşîre bûn wan wê rojê dixwest dilê xwe ji bo jiyanê têkin derman. Ew endezyar bûn wê rojê dixwestin jiyaneke bi aştî, demokratîk bisêwirin, ew dayik bûn, bi rengê xwe yên neteweyî bi deng bûn, bi hêvî bûn… Ew ciwan bûn, wan digot bihêlin jiyan bi me xweş e… Do gul bûn xwîn û ew tevlî axê bûn.

Tirs, heyf û tol, hewla terbiyekirinê, xwîn, qetlîeam duh li Enqerê bû...

Çîrokên cografya me, çîrokên ‘meşhûran’ in, çîrokên îdealên mezin in wisa îdeal in ku dibin xwîn di ser serê me de diherikin! Çîroka gotinên mezin, şîretên mezin lê ‘jiyanake piçûk’ e piçûk e ev çîrok!

Dehaq hebû, mar hebûn, mejiyê ciwanan hebû… Sedam hebû Helebçe hebû, jehr hebû… Şingal hebû kêr hebûn ‘rûpoşên reş’ hebûn… Duh li Enqereyê zarok hebûn dê hebûn, bav hebûn, ciwan hebûn xwîn hebû…

Gerek peyvek nû tevlî ferhengan bibe li vê cografyayê nalet têrî nake!

Kesên duh hatin qetil kirin, ji bo aştiyê, ji bo demokrasiyê li Enqereyê bûn… Ew li hemberî tundiyê û şer têdikoşiyan. Xwedîlêderketina demokrasiyê, ev e ya ku me bi hêvî bike, dawî li gelek çîrokan bîne…

Hin Nivîsen Nivîskar

XWENDINA NIVÎSÊN TEORÎK Û TÊGEHEK

28 Gulan 2012

Nivîsên ceribî û teorîk bêtir xwe li zanîngehan didin der. Mixabin di vî warî de nivîsên bi kurmancî gelek kêm in. Em nivîsên ceribî...

BÊDENGÎ

02 Sermawez 2012

Wextê sî û çar deng, bûn siyek sor, welatekî vegirtin, Ji dilê min hat helbestekê lê bikim, min lê nekir; ger min lêkira ê dilê min rihet bûya;...

Kultura gengêşiyê; xwendevan ji me çi dixwazin?

20 Avrêl 2009

Min dixwest, ez îro hew ji bo nivîsa Çetoyê Zêdo hin tiştan der bikim. Wî wekî xwendevan nivîsek xweşik lêkiriye. (Naverok û tiştên wî gotine...

Cîhan ROJ kî ye?

Cîhan Roj, di sala 1965'an de, (di qeyda fermî de 1964) li gundê Înaqa Gimgimê ji dayik bûye. Dibistana seretayî li gund, ya navîn û lîse li Gimgimê xwendiye. Despêka bi kurmancînivîsana wî 1993 ye. Di heman salê de helbest û çîrokên wî têne weşandin. Di salên du hezarî de ew hinek termên matematîgê diafirîne û ji Enstituyê re bi rê dike. Ew xebat di sala 2006'an de di Azadiya Welat de tê weşandin. Nivîskar ji sala 1993'yan heya sala 1997 an li Mêrdînê, li sendîkaya kedkarên qada perwerdehiyê, wekî sekreterê perwerdehiyê rêveberî dike. Di sala 2001'ê de, bi pêşniyara wî, li Îzmîrê, ‘Konferansa Nivîskaran’ tê lidarxisitin. Li dû konferansê, ew qerar digire û bi tenê bi edebiyatê re mijûl dibe. Dîwana wî ya ewil “Ratîka” di sala 2002'yan de çap bûye. Di gelek malper, rojname û kovaran de, nivîsên wî hatine weşandin. Romana wî “Perde” bi navê “Mahrum” bi tirkî derketiye. Bi tevî pirtûkek di derheqê Cîgerxwîn de hatiye weşandin, di pirtûka bi navê “Kawayê Min” de û di pirtûka kurteçîrokan a ji hêla Şaredariya Amedê ve hatiye çapkirin de ew jî yek ji nivîskaran bû.

Heya niha gelek pirtûkên wî ên helbestê, çîrok û romanên wî hatine weşandin. Dosya helbestan a nû "Asê", romana wî a nû “7 AV 7 Agir 7 Derî” bi tevî hemî berhemên wî wê heya payîza 2023'yan ji nav weşanên Peywendê werin weşandin.

Cîhan Roj hê jî bi romanûsiyê re mijûl e.