bo wê yekê…
sal him bi him zeman pîr dikin.
heyv li kevan e geh, geh roj li ava
bi kêlî û saet, bi roj û şev, bi av û hewa
dem kal, ez pîrekal, zeman lal…
delalê, ji kîşweran payîz e niha!
payîz e, dem dê xwe veguhere guherek din
kêlî ê nepirsin ji te bo bibin saet
û roj dê raneweste li te bo nebe şev;
roj derew, şev derew, zeman nakeve xew…
demsal e… ji kîşweran payîz e niha!
siltanê herwext e, kî ye ne hêsîrê zeman
qurteke av in kêlî, jiyîn hilmek e bêguman
aveke li herik e her çem, ber bi derya mirinê ve
ne serî ne binî bi hemînî diherikî li vê
çemek dimiçiqe herhal…ji kîşweran payîz e niha!
li xwe vegerî, pelên katjimêrê bidî hev
deh cild roj, deh cild şev dê bêne ser hev!
li şûna temenekî tu ê çi bikî ji tomarek pel?
rûnî bisojinî wan yeko yeko
tu yê temenê min û xwe bisojinî,
tu yê rojekê jî venegerînî ji zeman!
*Ji dîwana ‘şêrgele’.
Têbinî: Me pîr bikin jî sal her nû ne.
Hêvî dikim mîna cawekî qedîfe sala nû pîroz be li bejn û bala we!
.jpg)
.jpg)
