Çîke eşkere est o: Her des seran reyke (belkî 5, belkî 15), ma vacin des seran reyke nêweşîke pîle dinya de vecêna. Wexto vecêna beşko bi kamî xodir bena û şina. Enka zî nêweşiya korona (Covid-19) veciya wa.
Verî Çîn de vecîya û dima ra xo ro welatanê bînan girê da. Enka bi awayke fermî Tirkîya de wa. Û Tirkîya zî biryarê newey girota. Gorey biryaran ra cafe, AVM hamey girotişî, festîvalî hamey betalkerdişî. Zehf tera şar nêşino kar û keye de wo. Û vanê “Heta mimkûn bo keyey xo ra mevecîyê.” Eno “mevecîyayîş” go çende rocî, ya zî çende aşmî dewam bikero, dîyar nîyo. La ma vacin aşmêke…
Temam, ma nêvecîyê, la ma go keye de se bikerê? Bêrê ma serê henî pêşnîyaran de vinderê ka ma eşkenê se bikerê:
Dersa kurdî
* Her keye de înternet esto. Ma eşkenê serê înternetî ra serê ziwanî de bixebitîyê. Ma eşkenê kirmanckî/kurmancî xo baş bikerê. Ê ke serê ziwanê xerîbî de xebatênê eşkenê dersanê xo dewam bikerê.
Fîlm-belgefîlm
* Her fîlm û belgefîm dinyayke newî, dinyawa haya ma te ra çinîya mocneno ra. Ma verê xo bidê înan. Fîlm û belgefîlmên kurdan ê bi kurdî zî estê. Ma eşkenê înan serê youtube/vimeo û malperanê bînan ra peyda bikerê û temaşe bikerê.
Rojname-kovar
* Rojnamey Xwebûn, kovarê bînê bi kurdî şima eşkenê peyda bikerê û biwanê.
*Kitabî
* Kitabî… Kê heminan de kitabî estê, yê ke hamey wendişî û yê ke niyamey wendişî. Heme hîvey şima yê. Kitabê newey estê, merdim eşkeno pirtûkfiroşan ra biwazo û biwano.
Wext qeybî tûtan
* Yê ke semedê karî heta enka nêşkayne tûtanê xo dir wext derbas bikerê, eşkenê wextê xo tûtanê xo dir baş saz bikerê. Mekerê xo vir ke tûtî bingehê jiyaney xo dadî û babî ra gênê. Ma çi bidê înan, yê ê çî gênê û jiyaney înan gorey a joy ra şikil gêna. Enka zî, wexto bîn zî çiqa derfetê şima virazîyay wextê xo tûtanê xodir derbas bikerê.
Qalkerdişê hîkayan
* Wendiş zî, qalkerdişê hîkayan zî qeybî hafizey tûtan muhîm a. Ma tûtanê xo, hevalanê xo rê qalê hîkayan bikerê. Hîkayey şima zanê, ya zî şima verî şinawitî bî, şima eşkenê biyarê xo vîr û qeybî tûtanê xo qal bikerê. Qeybî hevalanê xo qal bikerê û ana dem derbas bikerê.
Kay
* Tûtîtî ma de kay ma zehfî bî. Kay zey “newberg”e, “heftok”e, “Dame”, “Stranc” ê ke enka hamey mi vîrî. Zehmet nîyo, keye de merdim eşkeno enîyan virazo û kay bikero.
Û vatişo peyîn: Her çiqa vanê keye ra mavecîyê zî pêşnîyarê mi eno wo ke şima veciyê teber. Erê, meşorê caw zehf qelebalix, la şima eşkenê şorê parkan, hewayke pak bigîrê, henî peyase bikerê û ageyrê. Ke mesela keye de mendiş bo, xeynî enî çî ma niştî, şima zî eşkenê çiyanê bînan, neweyan bivînê û wexto xo baş derbas bikerê. Bi hêvîyo ke go ene nêweşî nêşko bi ma…
.jpg)
.jpg)
.jpg)
