Karayilan: Dewleta tirk soz da ji Serêkanî heta Kobanî rê veker lê nekir

Karayilan ji bo ANF'ê axivî û got ku AKP wekî sala 2011'an biryara şer daye û wiha dom kir: "Dê berxwedana Kobanî bidome. Kuçe bi kuçe be jî dê bidome. 

Vaye ji wê hevpeyvîna ku Deniz Kendal bi Karayilan re kiriye hin not:

- Tirkiyeyê soz da ku ji Serêkaniyê heta Kobanî korîdoreke veke lê ev soza xwe neanî cih.

- Kurd tena cihê ku pişta xwe bide gelê kurd bi xwe ye; yekîtiya demokratîk a neteweyî ye.

- Daîreya Şerê Taybet a Tirk bi awayekî çalak di nav vê konseptê de ye. Hemû dane vê yekê nîşan didin.

- Sozên ku dewleta tirk dane Rêberê PYD'ê Salih Muslim hebûn lê ew neanîn cih. Ev 15 roj in soz dabûn ku ji Serêkaniyê heta Kobanî korîdoreke (rêyeke) vekin lê ev soza xwe neanîn cih. Ev ambargoye, dorpêçkirinek e.

- Erdogan ketina Kobanî ji bo xwe kiriye hedef û wisa dixuye ku wekî sala 2011'an biryara şer daye.

- Rastî ev e ku Beşdariya Tirkiyeyê ya koalîsyonê ya li gel DAIŞ'ê jî lîstikek e. Ew di her firsendê de dixwaze DAIŞ'ê biparêze.

- Polîtîkaya ku niha AKP dimeşîne bi talûke ye

- Bila hemû raya giştî ya navneteweyî û hêzên eleqedar bizanibin ku di vî warî de şaşiyeke heye. Bila bê zanîn ku mudexeleya hewayî ya ku di pêşengiya DYA'yê de tê kirin bandora wê nîn e.

- Bi 7 hezar mîlîtanan Misûl girtin. Niha 20 roj û tiştekî ye bi ser Kobanî de ku ger bikaribin têk bibin hejmara mîlîtanan 10 hezar e.

- Nayê fêmkirin ku DYA çima pêşî li DAIŞ'ê nagire. Dibe ku bixwazin têkoşîna kurdan bê şikênandin lê bi şikênandina vê têkoşînê re dê DAIŞ mezin bibe.

- Ev rewşa hêzên navneteweyî şirîkatiya komkujiya li Kobînê bibe ye.

- Êdî divê her der bibe Kobanî. Roj roja berxwedan û xwedîlêderketina mirovahiyê ye.

- Tiştek muhîm e ku geh ciwanên Kobanî, geh ciwanên Bakur sînor derbas dikin û beşdarî berxwedanê dibin.

- Dê berxwedana Kobanî bidome, ew kuçe bi kuçe be jî.

- Berxwedana Kobanî heta niha serketî bûye. Tiştê ku divê bikira kiriye. Lîstikvan dagirkeran têk biriye; lîstika DAIŞ'ê xira kiriye.