Diyarname

Mebûsê DEP'ê yê berê Mahmut Alinak ji bo cezaye xwe yê 14 meh û 17 rojan temam bike ket girtîgehê. Alinak bû 9'emîn car e tê tewqîfkirin.

Alinak ligel kurê xwe Bişad Adbi Alinak hat Edliyeya Qersê û teslîmbû. Alinak li derve ji bo rojnamegeran wisa got: "Îro ez nobetê digirim ser xwe. Ev dê ne cara dawî be ku ezê bikevim hepsê. Ez vê dizanim. Heta ku helwesta min a mixalifbûnê bidome ez dizanim ku dê ev zend hê pir kelebçeyan bibînin."

Mahmut Alinak kî ye?

Alinak di sala 1952'yan de li gundê Dolayli ya Dîgora Qersê hatiye dinê. Ew nivîskar, parêzer û siyasetmedar e. Alinak di sala 1987'an de ji SHP'ê bû mebûs. Paşê di nav HEP'ê de cih girt, li ser navê HEP'ê ji lîsteya SHP'ê careke din ji bo mebûsî hat hilbijartin. Dema di sala 1994'an de DEP rastî derbeyê hat Alinak ligel Orhan Dogan, Hatip Dicle, Ahmet Turk, Sirri Sakik, Leyla Zana hat girtin.

Heta niha ev pirtûkên wî derketine:

- HEP, DEP ve Devlet, Weşanên Kaynak

- HEP, DEP ve Devlet Parlamentodan 9. Koguşa, Weşanên Kaynak

- Şiro'nun Ateşi, Weşanên Berfîn, 1997

- Nazo, Weşanên Berfîn, 1998,

- Ateşte Yikanmak, Weşanên Berfîn, 2003,

- Tarihin Çarmihinda Guneş Ulkesi, Weşanên Jan, 2011

- Kopekler Manifestosu, Weşanên Jan, 2012,