ENQERE (DÎHA)

Rojnamegerên, bidestxistina Mûsilê ku ji aliyê çeteyên DAÎŞ'ê ve hatiye desteserkirin nirxandin, berpisyariya hikumetê ya di vî warî de dan nîşandan û balkişandin ser têkoşîn YPG û PYD'ê ya li hemberî çeteyen. Nivîskara rojnameya Milliyetî Asli Aydintaşbaş, diyar kir ku polîtîkayên Barzanî û Tirkiyeyê yên li hemberî Rojava xelet in û got, "Em hemû minetdarê têkoşîna PYD'ê ne. Divê hemû derdorên heremê li hemberî DAÎŞ'ê hevkariyê bikin." 

Nivîskar Asli Aydintaşbaş, rewşa heremê ya nû ku piştî êrîşên DAÎŞ'ê rû daye, nîrxand û diyar kir ku li hemberî rastiya DAÎŞ'ê her kes deyndarê PYD'ê ye û diyalog pêşniyar kir. Aydintaşbaş got, "Pêşveçûna DAÎŞ'ê ya li heremî, hem îstikrara Iraqê, hem ya Herêma Kurdistanê û hem jî ya Tirkiyeyê tehdît dike."

'Pêdiviya me bi xeta ji aliyê Ocalan ve hatiye xêzkirin heye' 

Aydintaşbaş, got, "Divê têkoşînê de lazim e kurd û tirk bi hev re bimeşin" û piştî pesnên PYD û YPG'ê da wiha domand: "Ev demek dirêj e PYD bi DAÎŞ'ê re şer dike. Li wir têkoşînek ku welatiyên me jî jiyana xwe ji dest didin heye. Lazim e hem Tirkiye hem jî cîhan têkoşîna PYD'ê baş bibîne. Lazim e Tirkiye di vî warî de polîtîkaya xwe revîze bike. Tramvayên mezin li ser erdnîgariya me tên jiyandin. Sînor têk diçin. Lazim e ku kurd û tirk ji bo pêşerojê tifaqekî bi hêz ava bikin. Di vê warî de pêdiviya me bi xeta ji aliyê Ocalan ve hatiye xêzkirin heye. Wî di peyama xwe ya Newrozê de jî ev tişt diyar kiribûn."

Aydintaşbaş, got ku polîtîkayên Barzanî yên li hemberî Rojava xelet bûn û got ku lazim e li hemberî DAÎŞ'ê hêzên heremê bi hev re, hevkariyê bikin. 

Rojnameger Hasan Cemal ku çend roj berê çûbû Rojava û rastiya DAÎŞ'ê li wir bi çavê xwe dîtibû, diyar kir ku Tirkiye li hemberî kurdan û Esad piştgiriyê dide DAÎŞ'ê û da zanîn ku têkiliya Tirkiyeyê ya bi DAÎŞ'ê re ji aliyê Amerîkayê ve jî hatiye rexnekirin. 

Rojnamegerê ereb Husnu Mahalî jî nirxandinek kin kir û da zanîn ku bidestxistina Mûsilê parçeyek planên ji bo parçekirina Iraqê ye û wiha axivî: "Ev plan berî niha hatiye amadekirin. Niha jî têxin meriyetê. Êdî Iraq nikare bibe, Iraqa berê. Wê parçe bibe."