Diyarname
Şevkî Beg kalê Serokê Klûba Fenerbahçeyê Azîz Yildirim e. Şevkî Beg yekemîn şaredarê Erxeniyê bû. Şaredariya Erxenî ku di destê BDP'ê de ye biryar girt ku navê Kolana Ziya Gokalp biguherînin û bikin Kolana Şevki Beg. Lê Qeymeqamê Erxenî ev nav qebûl nekir. Hat gotin ku qeymeqam wekî sedem jî nîşan daye ku Şevki Bey' piştgiriya Serhildana Şêx Seîd kiriye loma.
Endamên Meclisa Şaredariya Erxeniyê roja 14'ê vê gulanê li hev civiya. Şaredariya Erxenî di destê BDP'ê de ye. Di Meclisa Şaredariyê de jî 18 endam ji BDP'ê, 13 ji AKP'ê ne. Meclisa Şaredari bi 28 dengên erê û 3 red an biryar girt ku navê Kolanê biguherÎne û bike Kolaan Şevkî Beg. Li gor zagonê şaredarî ev biryar di 16'ê gulanê de ragihand qeymeqamî. Qeymeqamê Erxeniyê Erdinç Yilmaz heman rojê ev nav red kir.
Hevserokê Şaredariya Erxenî Ramazan Kartalmiş sedema redkirina qeymeqam wekî sedemek xunrt nedît û got ku ew dê vê meseleyê ragihînin dadgehê. Kartalmiş wisa got: "Bi ya me navê Şevkî Beg ne li dijî Zagona Bingehîn e. Li welatê me gelek navên Ziya Gokalp li kolan û dibistanan hatine kirin. Li Erxeneyê guherandina naveke Ziya Gokalp tiştek ji Gokalp kêm nabe. Ez wekî şaredarekî hiqûqnas dibêjim ku min tiştek ji sedema redkirina qeymeqam fêm nekir."