Diyarname
Serê sibê dest bi dengdayînê hate kirin. Hin hîle jî derketin holê. Vane li hin cihan, hin hîle:
Tetwan
- Li Dibistana Navîn a Tuf ku li Taxa Aydinlara Tetwanê ye, serokê lijneya sindoqa bi nimreya 1009 bi temamî 303 pisûlaya dengdayînê û zerfên wan li mala xwe mohr lê dabû û anîbû dibistanê. Peywirdarên partiyan li ser vê yekê nerazîbûn nîşan dan, lijneya hilbijartinê ya navçeyê jî "tûtanak" girt. Serokê lijneya sindoqê xwe bi gotina "min got bila hêsanî çêbe" parast.
Li hin sindoqên din ên li dibistanên Bedlîsê jî ev yek hat dîtin.
Sêwre
- Li gundê Hamamoren a Sêwregê xwestin bi awayekî eşkere deng bê dayîn, li ser vê yekê muşahidan nerazîbûn nîşan da. Muşahidên ku nerazîbûn nîşan dan rastî êrîşa hin kesan hatin.
Rûbarok
- Li bajaroka Rûbaroka Culemêrgê jî berendamê AKP'ê yê cerdevan Ekrem Çetinkaya mudexeleyê sindoqan kir. Malbatan got ku cerdevan mudexeleyê wan dike. Li ser van gotinan Berendamên Hevserokatiya Şaredariyê yên Rûbarokê yên BDP'ê Şukru Kaya û Berîvan Avci li hemberî kirinên wisa ji serê sibê de li dibistanan geriyan û kirin ku pêşî li kirinên wisa derkevin.
Mûradiye
- Li gundê Keçîkiran a Mûradiyeya Wanê leşker û cerdevanan xwest gel bi awayekî vekirî dengên xwe bide, loma xirecir derket. AKP'yiyan xwest gel deng bide wan, ji ber BDP'yiyan mudexele kir, BDP'yî rastî êrîşê hatin.
Bozova
Li gundê Saf a Bozovaya Rihayê ku gundê Serokê Navçeya Bozova yê AKP'ê Hasan Arusoglu ye, xwestin bi awayekî vekirî deng bêne bikaranîn. Muşahidên BDP'ê nerazîbûn nîşan da. Piştî vê yekê muşahidên BDP'ê bi zorê ji dibistan hatin dûrxistin.
Rişmil
Li Rişmila Mêrdinê, li Dibistana Seretayî ya Ahmet Demir, di sindoqa 1021'ê de muşahida BDP'ê Devran Kanat rastî êrîşa AKP'yiyan hat.
AKP'yiyan xwestin hemû bi hev re dengan bikar banîn, Kanat nerazîbûn nîşan da. Kanat nerazîbûn nîşan da, ligel ku rastî êrîşê hat jî polîsan tiştek nekir.
***
Ji bo 30'ê Adarê nûçeyên eleqedar;
.jpg)
.jpg)
