Wan

Li Wanê piştî mîtînga AKP'ê bûyer derketin. Di bûyeran de polîsan gule bera Kadîr Înan da û Înan ji singê bi giranî birîndar bû.

AKP’ê di çarçoveya xebatên hilbijartinê de ji bo Serokwezîr Erdogan li Wanê mîtîng pêk anî. Piştî ku mîtîng bi dawî bû û Serokwezîr Erdogan ji Wanê derket polîsan mudaxaleyî girseyê kir. Koma ku hatina Erdogan şermezar kir û çalakî pêk anî rastî mudaxaleya polîsan hat. 

Polîsan li qada Beşyolê li ber Otela Grandê guleyê rastîn berda ciwanek bi navê Kadir Înan ê 26 salî û ji sînga wî ew birîndar kir. Înan rakirin Nexweşxaneya Taybet a Wanê. 

Piştî bûyer hate bihîstin mebûsê BDP'ê yê Wanê Nazmi Gur, beremdamên Hevserokatiya Şaredariya Bajarê Mezin a Wanê Bekir Kaya û Hatice Çoban, Serokê Baroya Wanê Murat Timur û Serokê Odeya Tabîban a Wanê Çetin Kotan çûn nexweşxaneyê û ji dixtoran agahî girtin. Hat gotin ku Înan ê ji singa xwe birîndar emeliyet kirine. Hê talûkeya jiyana Înan didome.