Diyarname
Pirtûka helbestan a Çiya Mazî bi navê "Palûte" ji Wexanên Do derket.

Nivîskarê malpera me Çiya Mazî ku heta nihaberhemên bi navê "Mistek Jiyan" (Çîrok, Weşanên Sî, 2003) û "Ferhenga Gotinên Pêşiyan" (Weşanên Elma, 2005) pêşkêşî xwendevanan kiribû, vê carê pirtûkeke helbestan bi navê "Palûte" derxist.
Di "Palûte" de sê beşên bi navê "Tu", "Ez" û "Ew" hene û di bin van beşan de helbest hatine pêşkêşkirin.

Mazî di helbestê xwe de geh 'aştî' dixwaze, geh wala 'tenêtî'yê dike û carinan qala hatina xwe ya dinyayê dike. Ji helbestên di "Palûte"yê de du jê sala 1998'an de, yên din di navbera 200-2003'yan de hatine nivîsandin. Her wiha helbesteke bi tirkî bi navê "Baharim" (Bihara min) di pirtûkê de cih girtiye, çima cih girtiye, helbesteke bi tirkî di pirtûkeke kurdî de hatiye bi cih kirin tu not nehatiye nivîsîn.

Her wiha Çiya Mazî helbestên Muslum Yucel jî wergerandin kurdî. Pirtûka bi navê "Ahûzîn" a Yucel ku berê bi tirkî hatibû çapkirin, bi wergera Çiya Mazî ew jî ji Weşanên Do derket.

Palûte / Çiya Mazî / Weşanên Do / Helbest / 79 rûpel
Ahûzîn / Muslum Yucel / Werger Çiya Mazî / Weşanên Do / 108 rûpel