Diyarname
Piştî ku duh 2 wêneyên Ocalan hatin weşandin îro wêneyeke nû hat pêşkêş kirin. Demirtaş got: "Ev fotoyê ku hatiye weşandin, wan neweşandiye û di rojên pêş de ew dê fotoyên baştir biweşînin."
Herî dawî 12 sal berê ji Girava Îmraliyê wêneyê Rêberê PKK'ê Abdullah Ocalan hatibûn kişandin û weşandin. Demek berê li ser daxwaza BDP'yiyan, heyeta BDP'ê bi Ocalan re wêne kişandibûn û li bendê mabûn ku Wesareta Edelatê ji bo weşandina van wêneyan destûrê bide. Lê hê jî destûr nehatiye dayîn û ew wêne nehatine weşandin. Ji bilî wan, duh 2 wêneyên Ocalan di yekê de ew bi tenê, di yê din de ligel Demirtaş û Buldan e hat weşandin. Duh qada sanal bi vê wêneyê hejiya û bû wêneyê ku herî zêde hatiye parvekirin û ecibandin. Îro wêneyeke din jî hat weşandin.
Duh Buldan, îro jî Demirtaş li ser pirsa rojnamegeran da zanîn ku wan wêne neweşandiye û wisa got: "Eve foto ji aliyê kî ve, ji bo çi hatiye belavkirin em nizanin. Ew fotoyê ku hatiye belavkirin di destê me de tuneye."
Her wiha Demirtaş got ku di rojên pêşiya me de ew dê fotoyên baştir pêşkêşî gel bikin.
***
Nûçeya eleqedar: