Mistefa Şahîn
Betlaneye roşane remazaneyo. Cayo ko emserr pê peranê Şaredarî Olîmpîyata ziwanê tirkî pêk amibi, ez uca de bîya. Caye ko dewlete tecavuzî tutekî kerdbi, la cayê sarrwedaretana, caye trejîyan û vahşetan Çewlîg de ya.
Eger ez menuşnî do nuştê min kem bimano. Şeş tebaxe de MEYADER keseyê cuya xo vînî kerdî qabe PKK û HPG yan îftar da. Malbatê şehîdan davet bîbîy. Îştîraq zedê bî. Parlementer Îdrîs Baluken, çîyê guncanî vatêy. Werd resa armance xo. Sipasîya xo ard ziwan.
Ez zana şima Çewlîg mereq kenêy. Inkey persî şima (Çolîk de çi esto û çi çîno?) riyî mi repisneno. Êyî ke mereq kenîy, bêrêne ma têder bigêre. Eke ez kuçanê Çewlîgî de ya. Çewlîg de bê rayiro transîteyo makê, malesef rayiro bi asfaltî nêmendo. Şarêdarîya Çewlîg senî şikîyawa çardoremeyê Çewlîg hendê xerabe bikêro? Mehleya Mezre Feqî ra hetanê Mehleya Mîrzan, Afatan ra hetanê Mehleya Keyey Bexçeyan, (Meheleya Simonî û Sîmsor çi hef ke hîna dewera cayê nêhesîbîyenî) her ca bi kilmeke xirabeyê. Şaredera AKPyij çi hesab dima ya? Pê no isdirabî çi mesaj dano şarê? Bi çi cesaret hendeke pê sebrê çewlîgîjan kaykenêy? O zî zano nêy gureyê bi projeyan beno, bi sira reyde dor bi dor benêy. Çi heyf zanyarî zî pere nêkena.
Gelo şaredar nêzano no bacaro qedîm yew serr, an zî di demserrî de awa nêbîyo. Û nê revêberî sankî nêzanêy yew serrî de hafizaye hezar serran xerabe nêbena, yew bacar vînî nêbeno. Nêzano yew bacar bi ziwanê xo bi kultura xo taybet o, cîya yo û rindek o. Maalesef no şaredar qabe ziwan û kulturê kurdî qase girameke zî nêgurênayo. La olimpîyata ziwanê tirkî virazeno. Êyî rê nê kurdî derd a, nê zî îrade û caye kurdan.
Malesef rastarast o tewir eseno tawirî no şaredarî tavir o hasmane yo. No kes tena raşayişî Çewlîg û xizmetî helînayişî ziwanê kurdî keno. Meqsedê şarêdar fam bîyo. Çewlîgijîy o rind şinasnay. Qabî raverberdişî ziwan û kulturî kurd, wextî ayê de yew proje tetbîk nêbîyo. No şarêdero AKPij vano ez mergî înan bîyarî verbi çimî înan, wa welatijî veterey rizeyê xo, pê talerzîya nêweşî bîyarî. Nêzano no şar bi terteleyan û zelzelan, qetlîaman, xerabe kerdin û veşnayişan xo vînî nêkerdo. Wa xo mexapîno. Wa bizano her ferdê Çewlîgî to ra zanayer o. Roja verpersa Çewlîgijan zî do bêro. Şarê Çewlîgî pêgoşî merdim mojneno merdim î ra.
Kemî hîrê demserrîya halî Çewlîgî nahewa yo? Bi qala Çewlîgija sembola ‘bena hol- bena hol’ cayê xo êdî ‘pê şima nêbena hol’ girewta. La eseno no hesab û kerdina no şarêdarî edet ra teberî yo. Sey ko mi çor de nuşt her caye Çewlîg enkaz o.
Malesef her kes zano ke xerabekerdiş asano, la viraştişî çîya zor o. Şaredarîya Çewlîg zî o tewir tevgêrîyayo, wezîfeyê xo çi heyf ke raşayiş zano. Çewlîg î de asfaltî wêbîy rayirî qabe şûve abirîyayê. Pêyare raşîyayî, maşîne û raywan rayiran ser o de têmîyan bîyî. Narey sey nameyo çaxma (Bîngol), şarêdar rayiran ser o de kemî hezar golî û gora xo, viraşta. Merdimî nê kuçanê pê areg û gerd û gemarîya rayiran beno reng qemerinê.
Nika her kes dua keno wa leze payiz û zimistan bêro…
Omid esto eyçaxî de Çewlîg pake bibo.
**
11.12.2013, Azadiya Welat


