Diyarname

Artêşa Misrê du roj dem dabû Serokomarê Misrê Mursî û îro artêşê derbe kir. Li gor saeta Tirkiyeyê artêşê di saet 20.00'an de daxuyaniyeke weşand û got ku ji niha û pêde Mursî ne serokomarê Misrê ye.

Ev çend roj in bi sedhezaran kes li Meydana Texrîra Misrê ji bo îstîfakirina Mursî çalakî lidar dixistin. Niha artêşê dest danî ser rêveberiyê.

Wezîrê Parastinê yê Misrê û Serfermandarê Giştî yê ARtêşê Ebdulfettah el Sîssî daxuyaniya artêşê xwend. Sîssî got ku wan ji bo demekê Zagona Bingehîn daye rawestandin, ji bo vê demê dê rêveberiyeke demî ya teknokratan welat bi rê ve bibe.

Piştî xwendina daxuyaniyê li Meydana Tehrîrê pîrozbahî hate li dar xistin.

Artêşê beriya dorpêçkirina qesra Serokkomariyê der barê Mûrsî, hin rayedarên asta bilind a hikûmetê û lîderên rêxistina Birayên Misliman de derketina derveyî Misrê qedexe kir.