Diyarname
Konferansa Rêveberiyên Herêmî ku Şaredariya Wanê û TOHAV'ê (Weqfa Lêkolîna Hiqûq û Civakê) ve hat li dar xistin roja 15-16'ê mehê li dar ket. Prof. Dr. Mithat Sancar gotina ku konferansê tîne ziman got: "Di rêveberiyên herêmî de xweserî tê wateya jiyana azad."

Vaye ji konferansê çend not:

- Serokê Komeleya Demokrasî û Hiqûqê ya Navneteweyî (MAF-DAD) û mebûsê berê yê Partiya Çep a Almen Norman Paech:
Di demokrasiyê de şertê yekemîn dayîna xweseriyê ye. Ji bo mafê temsîliyeta kêmneteweyan divê hem di zagonan de hem di beşên din de tevdîr bêne girtin.
Li welatên wekî Fransa û Tirkiye ku dewlet li van deran xurt e, xweserî li cem wan mijara tirsê ye. Dijî vê yekê gelek cureyên xweserî hene ku dikarin xwe bidin qebûlkirin. Ev xweserî bi hev re jiyînê jixwe re wekî bingeh dibînin.Li dinyayê gelek mînakên wisa hene. Ev xweserî di bin ewlehiya zagona bingehîn de ne. Wekî modela duyem em dikarin federalîzmê nîşan bidin. Federalîzm jî wekî parçeyeke xweseriyê dikare bê fikirîn.
Xweseriya demokratîk wekî mafeke ji bo gelên dinyayê dikare bê naskirin. Ku kurd ev mafê kurdan e jî. Ne rast e mafeke wisa bê nîqaşkirin jî.
Li vir tiştê girîng, divê hikumet an partiya li desthilatdariyê ligel gel û nûnerên kêmneteweyan bicive û bi hev re naveroka vê diyar bikin.

- Parêzer Ercan Kanar:
Rêveberiyên herêmî wekî dibistana demokrasiyê ne. Di fikra demokrasî û azadiyê de daxistina asta herî kêm a dewletê heye. Mirov nikare bi temamî bêdewletî jî çêdibe. Dema hûn dewletê daxin asta herî jêr wê çaxê mirov dikare qala demokrasî û azadiyan bike. Carinan bi temamî pergalên bêdewletî hatine ceribandin Lê bi ser neketine. Niha dewletê heyî bi temamî gelan tune dihesibînin û vediguherîn avahiyeke otorîter.

- Endamê Hawir û Bajarîbûnê yê DYA'yê û Hîndekarê Zanîngeha Stenbolê Cemal Salman:
Divê gelên li herêmê raste rast di warê biryardayînê de diyarker bin. Rêveberiya herêmî divê ne di destê rayedarên din de be. Rayeya ku didin destê rêveberên herêmî divê tam bi temamÎ be. Gere li ser rêveberên herêmî tu tehdîdek tune be.

- Li ser navê TOHAV'ê Hatice Odemîş:
Di rêveberiyên herêmî de nûneriya jinê, wekheviya jinê mafê wekheviya jin û mêr, parvekirina hemû mafan a wekhev heye. Divê wekheviya jin û mêr ji aliyê rêveberiyên herêmî ve bên amadekirin. Divê di wekheviya jin û mêr de perwerdehiyên herêmî û niştecihî bên amadekirin. Divê jin jî tev li vê pêvajoyê bê kirin.

- Şaredara Niluferê ya Bursayê Canan Kizilaltun:
Divê Tirkiye li gorî peymanên Yekîtiya Ewropayê di sazî û dezgehên cemaweriyê de wekheviya zayendî pêk bîne. Divê rêveberiya herêmi feraseta xizmeta wekhev pêş bixe. Divê rêveberiyên herêmî li gorî stratejiya wekheviya zayendî tev bigere. Divê hemû kar û barê ku bê kirin divê li ser wekheviya zayendî pêş bikeve.
 
- Şaredara Elbakê ya BDP'yî Eylem Açikalîn:
Di rêveberiya herêmî ya BDP'ê de kotaya jinê ji sedî 40 e. Niha di nava partiyan de partiya herî zêde girîngiyê dide nirxên jinê BDP ye. Pişti hilbijartina 2009'an li ser rêveberiyên BDP'ê politîkaya înkar û îmhayê hat destpêkirin. Niha gelek jinên hatine hilbijartin di girtigehê dene. Di reveberiyên heremî de şaredariyên BDP'ê ji sedî 50 rê li pêşiya debara jinê vekir. Lazim e di rêveberiyên herêmî de çanda Neolitik esas bê girtin.
 
- Şewirmendê Hiqûqê ya BDP'ê Ozgur Sevgi Goral:
 Li Tirkiyeyê pirsgirêk ne tenê xurtkirina rêveberiyên herêmî ye. Bi xurtkirina reveberiyên herêmîr re Tirkiye nabe demokratîk. Divê berî her tiştî rayeya rêveberiyên herêmî bê xurtkirin û xalên di Zagona Bingehîn de bên guhartin. Divê pêşniyarên BDP'ê yên ji bo Zagona Bingehîn a nû li ber çavan bên girtin û esas bên girtin. Me wekî BDP'ê li hemû modelên cîhanê nêrî ye û ji nava hemûyan moelek nû ava kiriye."
 
- Hîndekarê Beşa Hiqûqê yê Zanîngeha Enqereyê Prof. Dr. Mithat Sancar:
Mîsyonê BDP’ê di pêvajoyê de gelek mezin e. Divê BDP tiştên ku qebûl dike û nake eşkere bîne holê. Di rêveberiyên herêmî de xweserî tê wateya jiyana azad. Her nîqaş, her pêşketin hin faktorên din ên siyasî derdixe pêş. Li vê derê tiştê girîng dê kî, çiqas bandorê bibîne. Ez xebatên ku têne kirin girîng dibînim. Di encama nîqaşên vê derê de emê kêmasiyên xwe bibînin. Tevgera kurd di nav pêvajoyên gelek giran re derbas bû. Niha fêdeyê tiştên hatine kirin em hemû emê bibînin.

Encamnameya konferansê di rojên pêş me de dê bê eşkerekirin.