Enqere

Serokomarê Tirkiyeyê Gul li ser êrîşa Turk got 'Divê tedbîrên baştir bihata girtin', Bulent Arinç jî çû serdana Turk û got: "Kêmasiyeke mezin a ewlehiyê heye."

Serokomarê Tirkiyeyê Abdullah Gul li paytexta Uman ê Muskat ê got ku wî dîmenên êrîşa li Samsunê ya li dijî Ahmed Turk mêze kirin, vê bûyerê ew xemgîn kiriye û wiha got: “Doz ji cihekê dibin cihekê bi ewletir. Êr^sşek wiha li dijî siyasetmedarekî qet nayê pejirandin. Ev ne tenê li wê derê pêk tê. Ev bê berpirsyariyên wiha li her derê encamên cuda derdixe holê".

Gul da zanîn ew helwesta Ahmed Turk ya piştî êrîşê teqdîr dike û got: “Divê tedbîrên baştir bihatibana girtin"

Arinç çû serdana Turk

Cîgirê Serokwezîrê Tirkiyeyê Bulent Arinç jî çû serdana Ahmet Turk û got: "Kêmasiyeke mezin a ewlehiyê heye."

Arinç li nexeşxaneyê çû serdana Turk û piştî hevdîtinê daxuyaniyeke da. Arinç got ku di rojên dawî de bûyerên bi vî rengî li çend cihan derketine, yên ku dixwazin hizûra Tirkiyeyê xira bikin ev yek kirin û ew wekî hikumet dê firsendê nedin vê yekê.

Arinç wisa got: "Birêz Ahmet Turk jî dibêje dibe ku mirovên dixwazin Tirkiyeyê tevlihev bikin êrîşeke wisa kiriye. Li hemberî van divê em haydar bin."

Bulent Arinç got ku divê ewlehiyê jî tevdîr bigirta û ev yek lê zêde kir: "Bi qasî ku min ji çapemeniyê yopand kêmasiya ewlehiyê heye. Dozeke mezin neqlê wir kirine, dê danişîn pêk bê. Danişîneke ku bala her kesî dikişîne. Dibe komên hemberî hev jî bên û çalakî çêbikin. Yên ku beşdar bibin jî nasnameya wan a siyasî diyar e. Rojek berê de her kes dizane birêz Turk û hevalên wî wê herin Samsunê. Di rewşeke wisa de xwendekarekî dibistana seretayî jî dizane divê tevdîrên çawa bêne girtin û çawa bê tevgerîn. Ji ber kêmasiya ewlehiyê jixwe walîtiyê Cîgirê Midûrê Emniyetê û Amîrê Emniyetê ji kar girtine."

Piştî bûyerê li Culemêrgê çalakî li dar ketin û bûyer derketin. Li ser pirsên rojnamegeran ên bûyerên Culemêrgê jî Arinç wisa got: "Her kes li hemberî vê bûyerê dikare reaksiyona xwe nîşan bide. Em jî nîşan didin. Ev ne bûyereke ku jêre çepik bêne lêxistin. Ev bûyereke ku bi nefret tê ziman."

***

Nûçeyên eleqedar:

- Baydemîr: Li Amed û Colemêrgê jî dîn hene

- Piştî êrîşa Turk du midûr ji kar hatin girtin

- Li hemberî êrîşa dijî Turk wê çalakî li dar bikeve

- Êrîşê Ahmed Turk kirin