Diyarname
Documentarist ku roja yekemîn ji ber çalakiyên Taksîmê rawestiya bû careke din dom dike.
Rojên Belgefîlman a Stenbolê Documentarist îsal di navbera 1 û 6'ê pûşperê de dê li dar bikeve, lê ji ber çalakiyên li Parka Taksîmê roja yekemîn li dar neket. Û piştî bi serketina çalakgeran ku êdî dê çalakî jî rawestin, Documentarist jî roja yekşemê (2'yê mehê) ji cihê ku maye didome. Belgefîlmên Documentaristê li Aynali Geçit, Salt û Akbank Sanatê li dar dikevin lê ji ber ku camên Aksanatê hatine şikenandin îro dê çalakî li Aksanatê nin bin, lê li her du cihên din dê bidomin. Nîşandayîna belgefîlmên li Aksanatê dê demek paşê li dar bikevin.
Di Documentarist de li dor 90 belgefîlm têne nîşandayîn. Belgefîlm di bin navê beşên wekî Retrospektîfa Alan Berliner, Di Bin Mercekê de, Sînemaya Brezîlyayê, Belgefîlmên Muzîkê, Navê jinê nîn e, Panaromaya Tirkiyeyê têne nîşandayîn.
Belgefîlmên Alan Berliner
Mêvanê Rûmetê yê îsal Alan Berliner e. Ji bo vê yekê belgefîlmên wî yên bi navê "First Cousin Once Removed (2012), "Wide Awake" (2006), "The Sweetest Sound" (2001), "Nobodys's Business" (1996), “Intimate Stranger" (1991), "The Family Album (1986) têne nîşandayîn. Her wiha Alan Barner dê roja 2'yê mehê derseke sînemayê jî bide (Ev ders ji bo 3'yê mehê, saet 11.00-14.00 bi paş ve hate avêtin. Ders li Aksanatê ye).
Mêvana îsal Brezîlya ye
Documentaristê îsal Brezîlya kirine Welatê Mêvan û belgefîlmên serketî yên 15 salên dawî dê bêne nîşandayîn. Digel gelek belgefîlmên xelatgir, hilbijêreke kurtefîlman a Glauber Rocha jî tê nîşandayîn.
Irena Taskovski jî mêvan e
Di wanê belgefîlman de yek ji fîrmaya sazkar û belavkar a belgefîlman Taskovski Fîlm e ku navenda wê li Londonê ye. Avakara Taskovski Irena Taskovski îsal dibe mêvana Documentaristê. Taskovski dê roja 4'ê mehê saet 14.00'an de li Zanîngeha Bahçeşehir a Galatayê (pola GLT804) konferanseke bide. Piştî kişandina belgefîllm dê belgefîlam çawa bişînin festîvalan, çawa dê belav bikin û xalên bi vê ve girêdayî di vê konferansê de dê bêne nîqaşkirin.
Belgefîlmên dinyayê tên
Ji Nepal, Kolombiya heta, Hindistan, Filistîn, ji Polonya, Şîlî, DYA heta Lubnanê ji gelek welatan belgefîlm dibin mêvanên festîvalê. Di nav beşên belgefîlman de belgefîlmên li ser muzîkê jî hene. yek jî "Searching For Sugar Man" (Der:Malik Bendjelloul) e ku hêjayî temaşekirinê ye. Ev belgefîlmê ku niha li Tirkiyeyê ketiye vîzyonê jî Xelata Belgefîlman a Oscarê girtibû.
Ji Tirkiyeê 26 belgefîlm
Di nav panaromaya Tirkiyeyê de 26 belgefîlm hene ku hin ji wan bi kundî ne. "Bûka Baranê" (Der: Dîlek Gokçin), Fecîra "Der: Pîran Baydemîr), "Qiblenameya Diya min" (Der: Hatice Kamer), "Asê" (Der: Ercan Orhan), "Dom" (Der: Halil Aygun), "Was" (Der: Caner Canerik) hin belgefîlmên bi kurdî ne ku dê bêne nîşandayîn.
Atolye û çalakiyên din
Di Documentarist de hin atolye, konferans, panel, gotûbêj û konser jî li dar dikevin. Yek ji van çalakiyan jî "Li Tirkiyeyê çêkirina belgefîlman" ku li ser rewşa Tirkiyeyê dê nîqaş bê kirin.
Çalakiyên di Documentarist de bê pere ne lê fîlm bi buhaya 5 TL'yî têne nîşandayîn.
Ji bo agahiyên berfirehtir:
www.documentarist.org