Diyarname
Di meha rezbera 2011'an de leşkeran bi rîngê 5 girtiyên kurd ku ji Wanê dianîn Stenbolê. Li Kayseriyê di rîngê de şewat derket û her 5 girtî di rîngê de şewitîn û jiyana xwe ji dest dan.
Li ser vê lêpirsîn û paşê jî doz hate vekirin. Di danişîna dozê ku li 1'emîn Dadgeha Cezayê Giran a Kayseriyê li dar ket de serî li îfadeyên jendirmeyê peywirdar M.Ç da.

M.Ç. ku got wê rojê ew peywirdar bû wisa qala wê rojê kir: "Berî erebe bişewite bi saetekê pergala deriyan xira bû. Em li serwîsê geriyan, gotin bi qayişan deriyan girê bidin û rêya xwe bidomînin. Bi heman erebeyê berê jî ez derketibûm peywirê. Erebe her xira dibû. Berî ku em bi erebeyê bikevin rê bi çend rojan erebe bidin serwîsê lê bêyî ku pirsgirêkê çareser bikin vegerandin. Jixwe erebe bihata çêkirin ev tişt dê neqewimiyana. Ji bo girtî rizgar bibin çi ji destê me hat me kir lê ji nişke ve agir bi erebeyê ket. Ji hevalên me jî yên ketin bin bandora dûxanê çêbûn. Di dema şewatê de me xwest em tûpa li nav erebeyê bikar bînin lê tenê dengê 'fis' ji tûpê hat."

Çêbûna bûyerê

Rînga girtîgehê ya bi plakeya 34 BL 2564 ji Wanê girtî dibir Stenbolê. Roja 16.09.2011'an dema li ser rêya bejî ya Meletî û Kayseriyê bû ji nişke ve agir bi rîngê ketibû û girtiyên bi navê Abuülsettar Olmez (35), Sinan Aşga (18), İsmet Evin (33), Akif Karabalı (24) û Medeni Demir (47) jiyana xwe ji dest dabûn.

Bi ser bûyerê re sal û nîv derbas bûye hê nû nû dest bi girtina îfadeyên leşkerên peywirdar tê kirin. Hê jî ji ber mirina van 5 kes, kes nehatiye cezakirin.