Diyarname
Barcelonayê sê stêrkên xwe yên navdar  Ronaldinho, Deco û Eto'o derxistin mezatê...

Par tîma katalonî Barcelonayê tiştên ku xwest bi dest nexwist. Teknîk dîrektorê wan Frank Rijkaard bû ku ev çend çal bûn tîm bi rê ve dibir. Carinan navbera Rijkaard û Eto'o, carinan navbera wî û Ronaldinho xera bû. Û bi vê yekê re jî her ku çû ew Rijkaard, hem lîstikvanên navdar hatin nîqaşkirin. Di encamê de Barcelonayê di rêza sêyem de sal temam kir. Û pêşî klûbê dawî li karê teknîk dîrektor Frank Rijkaard anî û bi teknîk dîrektor Pep Guardiola re peyman girê da. Bêşik Guardiola dê li gor xwe tîmeke saz bikira û wî jî biryar da ku sala bê naxwaza Ronaldinho, Deco û Eto'o di tîmê de bin. Bi vî awayî rê ji bo her sê stêrkan xuya bû. Niha hê nediyar e dê her sê, yan yeko yeko herin ku derê lê piştî ku Scolari ji bo teknîk dîrektorî bi Chelsea re peyman girê da, Ronaldinho jî dixwaze biçe cem Scolari. Ronaldinho û Scolarî di tûrnûvaya Kûpaya Cîhanê ya 2004'an de bi hev re xebitîbûn û Brezîlyayê kûpa bi dest xistibû.
Her wiha tîmên Înter, Mîlan û Chelsea bi Deco û Eto'o re eleqedar dibin.