Amed
Bi sedhezaran kesî li Amedê ji bo oxirlêkirina sê siyasetmedarên kurd Sakine Cansiz, Fidan Dogan, Leyla Şaylemez li Amedê, li Qada Batikentê hatin ba hev.

Li qadê parkanta "Li Roboskî, li Parîsê emê êşê veguherînin serkeftinê" û wêneyên her sê siyasetmedaran vekirin. her wiha wêneyên Ocalan, ala Konfederasyonê hatin vekirin. Her wiha gel reş girê dan û ji bo aştiyê mêran berstûka sipî girê dan, jinan melhefa sipî dan serê xwe.

Hevserokên KCD'ê Aysel Tugluk û Ahmet Turk, Hevserokên BDP'ê Selahattin Demirtaş û Gultan Kişank, hemû şaredarên BDP'ê, Seroka ESP'ê Figen Yuksekdag, Sekrokê ODP'ê Alper Taş, rêveberên HDK, HDP, saziyên sivîl jî têde bi sedhezaran kes li qadê bû.
Piştî rawestkina hurmetdanê axaftin hatin kirin.

Seroka BDP'a Amedê Zumrut: Nikarin pêşî li meşa azadî bigiri

Seroka BDP'a Amedê Zubeyde Zumrut axaftineke kurd kir û got ku nikarin pêşî li meşa azadiyê bigirin.

Baydemîr: Em li benda we bûn hûn bên Newrozê

Şaredarê Bajarê Mezin ê Amedê Osman Baydemîr wisa got: "Şaxên azadiyê, em li benda we bûn ku hûn bên Newrozê. Lê îro bi vî awayî em oxir li we dikin. Bila rêya şehîdên Kurdistanê vekirî be. Li ser şehîdên, li ser hêstkirên dayikan ez soz dikim ku heta aştî bê ezê di xizmeta we de bim."

Turk: Hûn qala aştiyê dikin, lê Qendîlê bombebaran dikin

Hevserokê KCD'ê Ahmet Turk jî wisa got: "Îro  dilê me diêşe. Em 3 şaxên Kurdistanê, sê hevrêyên xwe yên ku têkoşîna azadiyê didin, em wan dişînin nav şehîdan dikin. Gelê kurd dê berdêlên ku tên dayîn ji bîr nekin. Ji bîr nekin ku gelê kurd dê her têkoşîna azadiyê bidomîne. Em îro serbilind in ku xwedî li şehîdên xwe derdikevin. Lê gelê kurd dê xwedî li têkoşîa xwe ya azadiyê derê û birînên xwe bikewîne."

Turk gotinên Serokwezîrê Tirkiyeyê Recep Tayyip Erdogan ên wekî "ji bo aştiyê xesas tevbigerin" rexne kir û got: "Ey serokwezîr tu qala aştiyê dikî lê bombeyan bi ser Qendîlê de dibarînî. Dema li Parîsê komkujî pêk tê, Qendîl tê bombekirin tu çawa qala aştiyê dikî? Ev çawa aştîXwazî ye?"

Tugluk: Gule berdan aştiyê

Hevseroka KCD'ê Aysel Tugluk bi barandina hêstiran axivî û got: "We sê hevrêyên egîd kirin mêvanên xwe, merheba Amed. Ev komkujî li hemberî têkoşîna jinan pêk hatiye. Ew gule bendane tevgera azadiyê, Îmralî, gule berdana aştiyê. Xwestine dînamîtê bixin bin aştiyê."

Demirtaş: Ji bo em bi we bawer bin gavan biavêjin

Hevserokê BDP'ê Selahattin Demirtaş bang li hikumetê kir û got: "Ji bo em bi we bawer bin polîtîkayeke berbiçav saz bikin, gavan biavêjin. Binêrin qada Amedê amadeyî tiştek wisa ye.